ডিজিটেল ডেস্কঃ নৰ্থ ইষ্ট লাইভকে ধৰি কেইবাটাও সংবাদ মাধ্যমৰ বিৰুদ্ধে সোচ্চাৰ হৈ উঠিছে মণিপুৰৰ কেইবাটাও ছাত্ৰ সংগঠন। অভিযোগ কৰিছে যে সংবাদ মাধ্যমটোৱে মণিপুৰৰ সংঘাতক লৈ পক্ষপাতিত্বমূলক বাতৰি প্ৰকাশ আৰু জনজাতীয় কণ্ঠক উপেক্ষা কৰিছে।
ছাত্ৰ নেতাসকলে এন ই-লাইভক সাংবাদিকতাৰ নীতিসমূহ ৰক্ষা কৰিবলৈ আৰু সকলো দৃষ্টিভংগীক প্ৰতিনিধিত্ব কৰাৰ আহ্বান জনাইছে।
ছাত্ৰ নেতাসকলৰ মতে, এন ই-লাইভে ইয়াৰ সংবাদ প্ৰতিবেদন আৰু সম্প্ৰচাৰত মণিপুৰৰ জনজাতিসকলৰ কণ্ঠ আৰু উদ্বেগ বাচি বাচি বাদ দি আহিছে। তেওঁলোকে লগতে অভিযোগ কৰে যে ৰাজ্য চৰকাৰৰ সমালোচনামূলক বিষয়বস্তুক ইচ্ছাকৃতভাৱে বাদ দিয়া হৈছে।
ছাত্ৰ নেতাসকলে এন ই-লাইভক অঞ্চলটোৰ বৈচিত্ৰময় কণ্ঠ আৰু উদ্বেগক আন্তৰিকতাৰে প্ৰতিনিধিত্ব কৰি সাংবাদিকতাৰ প্ৰকৃত মনোভাৱ মানি চলিবলৈ আহ্বান জনাইছে।
তদুপৰি, ছাত্ৰ নেতাসকলে দ্য চাংগাই এক্সপ্ৰেছ আৰু আই এছ টি ভিক তীব্ৰ নিন্দা কৰি সংবাদ মাধ্যমৰ নৈতিকতা উলংঘা কৰা, “ভুৱা বাতৰি” বিয়পোৱা, আৰু জনজাতীয়সকলৰ কণ্ঠ দমন কৰা আদি অভিযোগ উত্থাপন কৰিছে।
এই সংবাদ মাধ্যমসমূহে ৰাজ্য চৰকাৰৰ বাবে অপপ্ৰচাৰৰ যন্ত্ৰ হিচাপে কাম কৰা বুলি অভিযোগ উত্থাপন কৰে।
ইয়াৰ প্ৰতিক্ৰিয়া স্বৰূপে ছাত্ৰ নেতাসকলে উপত্যকা ভিত্তিক সকলো সংবাদ মাধ্যমৰ ওপৰত নিষেধাজ্ঞা আৰোপ কৰি অঞ্চলটোত তেওঁলোকৰ উপস্থিতিৰ যিকোনো প্ৰমান প্ৰকাশ কৰি সহযোগিতা আগবঢ়াবলৈ সাধাৰণ জনতাক আহ্বান জনাইছে।
এই ছাত্ৰ সংগঠনসমূহৰ ভিতৰত আছে কুকি ছাত্ৰ সংগঠন, হামাৰ ছাত্ৰ সন্থা, মিজো জিৰলাই পাউল আৰু জোমি ছাত্ৰ ফেডাৰেচন।
Continue Reading
