ডিজিটেল ডেস্কঃ আপৰ সাংসদ ৰাঘৱ চাদ্ধাক পলাতক উদ্যোগপতি বিজয় মালিয়াৰ সৈতে তুলনা কৰাৰ অভিযোগত উত্থাপন হৈছে এটা ইউটিউব চেনেলৰ বিৰুদ্ধে। এই বিষয়টোৰ সন্দৰ্ভত পঞ্জাৱৰ লুধিয়ানাৰ শিমলাপুৰী থানাত এফআইআৰ দাখিল কৰা হৈছে।
এজাহাৰ দাখিল কৰিছে লুধিয়ানাৰ পৰা অহা আপ লোকসভাৰ প্ৰাৰ্থী অশোক পাপ্প্পী পৰাশৰৰ পুত্ৰ বিকাশ পৰাশৰে। য’ত ইউটিউব চেনেলটোৰ বিৰুদ্ধে দিল্লী সুৰা কেলেংকাৰী সম্পৰ্কীয় ভুল তথ্য শ্বেয়াৰ কৰি ৰাইজক বিভ্ৰান্তিকৰ খবৰ দিয়াৰ অভিযোগ উত্থাপন হৈছে।
এফআইআৰত কোৱা হৈছে যে কেপিটেল টিভিয়ে ৰাঘৱ চাদ্ধাৰ বিৰুদ্ধে আপত্তিজনক ভিডিঅ’ বজাইছে। যাৰ তদন্ত চলি আছে।
ভাৰতৰ পলাতক উদ্যোগপতি বিজয় মালিয়াই যিদৰে ধন লৈ ইংলেণ্ডলৈ পলায়ন কৰিছিল একেদৰে আপৰ ৰাজ্যসভাৰ সাংসদ ৰাঘৱ চাদ্ধায়েও পঞ্জাৱবাসীৰ চিন্তা ত্যাগ কৰি চকুৰ চিকিৎসাৰ অজুহাতত ইংলেণ্ডলৈ পলায়ন কৰিছে বুলি কোৱা হৈছিল। ইয়াৰ সমান্তৰালকৈ আম আদমী পাৰ্টিয়ে লোকসভাৰ প্ৰাৰ্থীৰ পৰা ধন লৈ টিকট বিতৰণ কৰিছে বুলিও কোৱা হৈছিল।
বিকাশ পৰাশৰে কয় যে এনেধৰণৰ ভিডিঅ’ই জনসাধাৰণৰ শান্তি-সম্প্ৰীতি বিঘ্নিত কৰিছে আৰু শীঘ্ৰে আঁতৰোৱাৰ প্ৰয়োজন আছে।
ভাৰতীয় দণ্ডবিধিৰ ১৫৩এ, ৪৬৯ আৰু ৫০৫ নং ধাৰা আৰু তথ্য প্ৰযুক্তি আইনৰ ৬৬ নং ধাৰাত পঞ্জীয়ন কৰা হৈছে এই এজাহাৰ।
Continue Reading
