পলিটিক্স কৰো আহা বন্ধু...! চন্দ্ৰ অভিযানৰ সফলতাৰ পিছত ইছৰ’ৰ প্ৰাক্তন বিজ্ঞানী নাম্বি নাৰায়ণনৰ ভিডিঅ' শ্বেয়াৰ কৰি কংগ্ৰেছক শলঠেকত পেলোৱাৰ চেষ্টা বিজেপিৰ

ভিডিঅ’টোৱে  হয়তো  কংগ্ৰেছক শলঠেকত পেলাব বুলি বহুতে ধাৰণা কৰিছে।  ভিডিঅ'টোত নাম্বি নাৰায়ণনে কৈছে  যে তেওঁৰ দিনত (তেতিয়াৰ চৰকাৰৰ) অগ্ৰাধিকাৰ বিষয়সমূহ পৃথক আছিল, তেওঁ কেতিয়াও মহাকাশ গৱেষণাক অগ্ৰাধিকাৰ দিয়া নাছিল। এই ভিডিঅ'টোত তেওঁ কংগ্ৰেছৰ শাসনকালত ইছৰোৰ পৰিস্থিতিৰ বিষয়ে কৈছিল। ভিডিঅ'টোত নাম্বীয়ে কয় যে তেওঁৰ অগ্ৰাধিকাৰ পৃথক আছিল, তেওঁ কেতিয়াও মহাকাশ গৱেষণাক অগ্ৰাধিকাৰ দিয়া নাছিল। ইয়াৰ বাবে পূঁজিও তেতিয়াৰ চৰকাৰে আৱণ্টন কৰা নাছিল। এই ভিডিঅ'টো শ্বেয়াৰ কৰিবিজেপিয়ে কংগ্ৰেছক আক্ৰমণ কৰিবলৈ  চেষ্টা কৰিছে।   বিজ্ঞানীগৰাকীৰ  মতে গৱেষণাৰ কামৰ বাবে ইছৰোৰ কোনো জীপ বা গাড়ী নাছিল। তেওঁলোকৰ ওচৰত মাত্ৰ এখন বাছ আছিল, যিখন  শ্বিফ্ট অনুসৰি চলিছিল... লাহে লাহে... প্ৰদৰ্শন উন্নত হোৱাত চৰকাৰৰ আস্থা বৃদ্ধি পাইছিল আৰু আমাক প্ৰশংসা কৰা হৈছিল।

ভিডিঅ’টোত তেওঁ কয়  " প্ৰধানমন্ত্ৰী মোদীয়ে বাজেট বৃদ্ধি কৰিছে আৰু আমাৰ বিজ্ঞানীসকলৰ সফলতা আৰু বিফলতাৰ ক্ষেত্ৰত তেওঁলোকৰ সৈতে থিয় দিছে, ভাৰতৰ মহাকাশ অভিযানে বহুদূৰ আগবাঢ়িছে।’’ চন্দ্ৰযান-৩ৰ সফলতা সন্দৰ্ভত মন্তব্য কৰি  নাম্বি নাৰায়ণনে কয়  যে মোৰ কামক স্বীকৃতি দিয়া হৈছে। উল্লেখ্য নাম্বি নাৰায়ণন সেইগৰাকী  বিজ্ঞানী যাৰ জীৱনৰ আধাৰত  চিনেমাও নিৰ্মাণ হৈছে। অভিনেতা আৰ মাধৱনে  'ৰকেটৰী: দ্য নাম্বি ইফেক্ট' ছবিখন নিৰ্মাণ কৰিছে।নাম্বি নাৰায়ণনে   তেওঁৰ কেৰিয়াৰত বিক্ৰম চাৰাভাই, সতীশ ধাৱান আৰু এ পি জে আব্দুল কালামৰ সৈতে কাম কৰিছিল।  নাম্বি নাৰায়ণন ইছৰোৰ এজন উল্লেখযোগ্য বিজ্ঞানী  আছিল। 

১৯৯৪  চনত তেওঁৰ বিৰুদ্ধে  ভাৰতীয় মহাকাশ কাৰ্যসূচী সম্পৰ্কীয় গোপনীয় তথ্য প্ৰকাশ কৰাৰ  অভিযোগ উত্থাপিত হৈছিল। অভিযোগ আছিল যে তেওঁ মহাকাশ কাৰ্যসূচীৰ বিষয়ে দুজন মালদ্বীপৰ নাগৰিকৰ সৈতে তথ্য সৰবৰাহ কৰিছিল, যিসকলে ইছৰোৰ ৰকেট ইঞ্জিনৰ এই তথ্য পাকিস্তানক বিক্ৰী কৰিছিল। এই অভিযোগৰ পিছত কেৰালা চৰকাৰে তেওঁক গ্ৰেপ্তাৰ কৰিছিল। ৫০ দিন কাৰাগাৰত কটোৱাৰ পিছত আৰু আৰক্ষীৰ অত্যাচাৰৰ সন্মুখীন হোৱাৰ পিছত নাম্বিক মুক্তি দিয়া হৈছিল। তেওঁৰ বিৰুদ্ধে অনা অভিযোগবোৰৰ অৱশ্যে কোনো স্পষ্ট প্ৰমাণ পোৱা হোৱা নাছিল।