ডিজিটেল ডেস্ক: পঞ্জাবৰ আম আদমী পাৰ্টীৰ মুখ্যমন্ত্ৰী ভগৱন্ত মানে গায়ক মিকা সিঙক সাক্ষাৎ কৰিছে। মিকা সিঙে মুখ্যমন্ত্ৰীৰ সৈতে এখন ফটো সামাজিক মাধ্যমত শ্বেয়াৰ কৰিছিল আৰু এই বিষয়ে অৱগত কৰিছিল। তেওঁ পঞ্জাবৰ মুখ্যমন্ত্ৰীৰ প্ৰশংসা কৰি লিখিছিল, মাননীয় মুখ্যমন্ত্ৰী ভগৱন্ত মানজীক সাক্ষাৎ কৰি বৰ ভাল লাগিছিল। তেওঁ এনে এগৰাকী ব্যক্তি, যিয়ে এগৰাকী শিল্পী হিচাপে নিজৰ কেৰিয়াৰ আৰম্ভ কৰিছিল আৰু জীৱনত বহুতো উত্থান-পতন দেখিছিল।
তেওঁ লগতে লিখিছিল, তেওঁ এজন সফল শিল্পী আছিল। তাৰ পাছত তেওঁ ৰাজনীতিত নিজৰ কেৰিয়াৰ আৰম্ভ কৰিছিল। মই আগতে ভাবিছিলোঁ যে তেওঁ মুখ্যমন্ত্ৰী হোৱাৰ পাছত সলনি হ’ব কিন্তু তেওঁ এতিয়াও একেজন মানুহ। পঞ্জাবৰ মাটিৰ সৈতে সংপৃক্ত এগৰাকী ব্যক্তি। আপোনাৰ মূল্যৱান সময়ৰ বাবে আপোনাক বহুত ধন্যবাদ।
মুখ্যমন্ত্ৰী ভগৱন্ত মান ৰাজনীতিলৈ অহাৰ পূৰ্বে এগৰাকী কৌতুক অভিনেতা হিচাপে জনাদৃত হৈ পৰিছিল৷ ২০০৮ত তেওঁ ‘দ্য গ্ৰেট ইণ্ডিয়ান লাফটাৰ চেলেঞ্জ’ত অংশগ্ৰহণ কৰিছিল। ২০১১ত ভগৱন্ত মানে ৰাজনীতিত প্ৰৱেশ কৰিছিল। তাৰ পাছত ২০১৪ত, তেওঁ অৰবিন্দ কেজৰিৱালৰ আম আদমী পাৰ্টিৰ দায়িত্ব গ্ৰহণ কৰে।
আৰু, চলিত বৰ্ষৰ পঞ্জাবৰ শেহতীয়া বিধানসভা নিৰ্বাচনত আপ-এ সংখ্যাগৰিষ্ঠতাৰে জয়লাভ কৰে আৰু ভগৱন্ত মান ৰাজ্যখনৰ মুখ্যমন্ত্ৰী হিচাপে নিৰ্বাচিত হয়।
Continue Reading
