ডিজিটেল ডেস্ক : পূ্ৰ্বৰ চৰকাৰে পঞ্জাবক ৩ লাখ কোটি টকাৰ ধৰুৱা কৰি থৈ গৈছে। আজি এই অভিযোগ কৰিছে পঞ্জাবৰ মুখ্যমন্ত্ৰী ভগৱন্ত মানে। আম আদমী পাৰ্টী চৰকাৰে এই ধনৰাশি ক’ত খৰচ কৰা হৈছিল সেয়া অনুসন্ধান কৰিব বুলি প্ৰকাশ কৰি সেয়া আহৰণৰ চেষ্টা কৰিব বুলিও মন্তব্য কৰে।
মুখ্যমন্ত্ৰীৰ এটা মন্তব্যৰ উদ্ধৃতি দি আপৰ পঞ্জাব গোটে কৰা এটা টুইটত লিখিছে যে, ‘পূৰ্বৰ চৰকাৰে পঞ্জাবৰ ওপৰত ৩ লাখ কোটি টকাৰ ধাৰ এৰি থৈ গৈছে। কিন্তু এই ধন ৰাশি ক’ত খৰচ কৰা হৈছে? আমি ইয়াৰ তদন্ত কৰিম আৰু উদ্ধাৰৰ ব্যৱ্স্থা কৰিম। কিয়নো এয়া জনগণৰ ধন।’
উল্লেখ্য যে, পঞ্জাব বিধানসভা নিৰ্বাচনৰ সময়ৰে পৰা আম আদমী পাৰ্টীয়ে পূৰ্বৰ চৰকাৰবোৰে পঞ্জাবক ঋণত পোত নিওঁৱা বুলি অভিযোগ কৰি আহিছিল। জ্যেষ্ঠ আপ নেতা ৰাঘৱ চাধাই পূ্ৰ্বৰ আাকালি-বিজেপি আৰু কংগ্ৰছ চৰকাৰ দুখনক পঞ্জাবৰ ধৰুৱা অৱস্থাৰ বাবে জগৰীয়া কৰিছিল। পঞ্জাবত জন্মলাভ কৰা একোটি শিশুৱে জন্মতে মূৰত এক লাখ টকাৰ ধাৰ লৈ আহে বুলিও অভিযোগ কৰিছিল নেতাগৰাকীয়ে।
Continue Reading
