ডিজিটেল ডেস্কঃ এটা পোহনীয়া কুকুৰৰ কাণ্ড দেখি মূৰে-কপালে হাত দিছে গৰাকীয়ে। কুকুৰটোৱে খাই পেলালে নগদ চাৰি হাজাৰ ডলাৰ। ভাৰতীয় মুদ্ৰাত এই সংখ্যা প্ৰায় ৩ লাখ ৩৩ হাজাৰ টকা।
এই ঘটনা সংঘটিত হৈছে ব্ৰিটেইনত। এক দম্পতীৰ সন্মুখতে তেওঁলোকৰ মৰমৰ পোহনীয়া কুকুৰটোৱে তেওঁলোকৰ ৪ হাজাৰ ডলাৰ চোবাই খাইছিল।
৩৩ বছৰীয়া কেৰী ল’ৱে কয় যে তেওঁলোকৰ পোহনীয়া কুকুৰটোৱে পাকঘৰৰ কাউণ্টাৰত থকা ধনখিনিৰ ওপৰত জপিয়াই পৰিছিল। তাৰ পিছত টকাবোৰ চোবাই খাবলৈ ধৰে। বিশেষ প্ৰয়োজনৰ বাবে বেংকৰ পৰা টকাখিনি আনি পাকঘৰৰ কাউণ্টাৰত ৰাখিছিল কুকুৰটোৰ গৰাকীয়ে।
গৰাকীয়ে কুকুৰটোৰ মুখৰ পৰা টকাখিনি টানি টানি উলিয়াই আনিবলৈ চেষ্টা কৰিছিল যদিও ব্যৰ্থ হয়। তেওঁলোকে গভীৰ চিন্তাত পৰি যায়। জানিব পৰা মতে, বেংকে ফাটি যোৱা নোটৰ ছিৰিয়েল নম্বৰ চাই সেইবোৰ সলনি কৰি দিছে।
Continue Reading
