ডিজিটেল ডেস্কঃ পোহনীয়া কুকুৰক এগৰাকী মহিলাৰ ঘৰৰ সন্মুখত শৌচ কৰোৱাইছিল কুকুৰৰগৰাকীয়ে। এই ঘটনাৰ প্ৰতিবাদকাৰ বাবেই মহিলাগৰাকীৰ ওপৰত কুকুৰটোৰ গৰাকীয়ে পিটবুল প্ৰজাতিৰ অতি মাৰাত্মক কুকুৰটো মেলি দিয়ে। ফলত কুকুৰৰ কামোৰত ৰিয়া দেৱী নামৰ মহিলাগৰাকী গুৰুতৰভাবে আহত হয়।
তেওঁক চুবুৰীয়াৰ লোকজনৰ পিটবুলটোৱে দেহৰ পাঁচটা স্থানত কামুৰিছে। অভিযুক্ত চুবুৰীয়া লোকজনৰ বিৰুদ্ধে এটা গোচৰ ৰুজু কৰা হৈছে। আৰক্ষীয়ে বিষয়টোৰ তদন্ত আৰম্ভ কৰিছে। ঘটনাটো উত্তৰ দিল্লীৰ স্বৰূপ নগৰত সংঘটিত হৈছে ।
জানিব পৰা মতে চুবুৰীয়াজনে মহিলাগৰাকীৰ ঘৰৰ সন্মুখতে পোহনীয়া কুকুৰটোক শৌচ কৰোৱাইছিল। মহিলাগৰাকীয়ে তেওঁক তেনে নকৰিবলৈ কেইবাবাৰো অনুৰোধ জনাইছিল। কিন্তু সেই কথা চুবুৰীয়া লোকজনে শুনা নাছিল। ফলত মহিলাগৰাকীয়ে প্ৰতিবাদ কৰিছিল। তৰ্ক আৰম্ভ হৈছিল।
তেতিয়াই লোকজনে পিটবুলটো মুকলি কৰি দিয়ে। ৰিয়াই তেওঁৰ ঘৰৰ চিচিটিভি ফুটেজ পৰীক্ষা কৰি চুবুৰীয়া লোকজনৰ কাণ্ডৰ বিষয়ে জানিব পাৰিছিল। তেওঁ দেখিলে যে চুবুৰীয়াজনে সেইদিনা পুৱাও তেওঁৰ ঘৰৰ সন্মুখত কুকুৰটোক শৌচ কৰোৱাইছিল।
এই দৃশ্য চোৱাৰ পিছত, ৰিয়াই ঘৰৰ পৰা কেইফুটমান আঁতৰত থকা চুবুৰীয়াৰ ঘৰলৈ গৈছিল আৰু প্ৰতিবাদ কৰিছিল । ৰিয়াক পিটবুলে কামুৰি থকাৰ সময়ত ওচৰৰ লোকসকলে আহি তেওঁক উদ্ধাৰ কৰে।
Continue Reading
