ডিজিটেল ডেস্কঃ ভাৰতৰ প্ৰধানমন্ত্ৰী নৰেন্দ্ৰ মোদীয়ে এই মাহত পুনৰ আমেৰিকা ভ্ৰমণ কৰিব। এতিয়ালৈকে মোদীয়ে মুঠ ৭ বাৰ আমেৰিকালৈ গৈছে যদিও ২১ৰ পৰা ২৪ জুনৰ ভিতৰত তেওঁ প্ৰথমবাৰৰ বাবে আনুষ্ঠানিক আমেৰিকা ভ্ৰমণ কৰিব। উল্লেখযোগ্য যে এই ভ্ৰমণ সন্দৰ্ভত বহু দিন আগৰ পৰাই ৰাজনৈতিক মহলত আলোচনা আৰম্ভ হৈছিল।
পিএমঅ’ পৰ্টেলৰ মতে, প্ৰধানমন্ত্ৰী মোদীয়ে তেওঁৰ কাৰ্যকালৰ ৯ বছৰত ৮মবাৰৰ বাবে আমেৰিকা ভ্ৰমণ কৰিবলৈ ওলাইছে, আৰু এয়া হ’ব তেওঁৰ প্ৰথম আনুষ্ঠানিক ৰাষ্ট্ৰীয় ভ্ৰমণ। এই ভ্ৰমণৰ মাজতে মোদীয়ে আমেৰিকাৰ ৰাষ্ট্ৰপতি জো বাইডেন আৰু ফাৰ্ষ্ট লেডী জিল বাইডেনৰ মুখ্য অতিথি হিচাপে উপস্থিত থাকিব। আমেৰিকাই মোদীৰ পূৰ্বে ২০০৯ চনত প্ৰধানমন্ত্ৰী মনমোহন সিঙক এই সন্মান প্ৰদান কৰিছিল। বৈদেশিক পৰিক্ৰমা বিশেষজ্ঞসকলে কয় যে প্ৰধানমন্ত্ৰী মোদীৰ আগন্তুক আমেৰিকা ভ্ৰমণ অতি বিশেষ হ’ব, কাৰণ সেই সময়ছোৱাত দুয়োখন দেশতে বহু গুৰুত্বপূৰ্ণ চুক্তি সম্পাদন কৰিব। আমেৰিকা আৰু ভাৰতৰ মাজত পাৰস্পৰিক সহযোগিতা বৃদ্ধিৰ বাবেও নতুন চুক্তি হ’ব পাৰে বুলি বহুতে উল্লেখ কৰিছে।
উল্লেখযোগ্য যে আমেৰিকাত ৰাষ্ট্ৰীয় ভ্ৰমণ কৰা যিকোনো দেশৰ প্ৰধানমন্ত্ৰী, ৰাষ্ট্ৰপতি বা ৰজাক ‘ৰাজকীয় ভাৱে ৰাতিৰ আহাৰ’ দিয়া হয়। আমেৰিকাৰ ৰাষ্ট্ৰপতিৰ আমন্ত্ৰণত চলিত বৰ্ষত আমেৰিকাৰ ‘ৰাজকীয় ৰাতিৰ আহাৰ’ প্ৰদান কৰা কেইজনমান নেতাৰ ভিতৰত প্ৰধানমন্ত্ৰী মোদী অন্যতম। কোনো এখন দেশৰ প্ৰধানমন্ত্ৰী, ৰাষ্ট্ৰপতি বা ৰজাই যেতিয়া আন দেশলৈ আনুষ্ঠানিক ভ্ৰমণ কৰে, তেতিয়া তাক ৰাজকীয় ভ্ৰমণ বুলি কোৱা হয়। কিন্তু ভাৰতৰ বাবে গৌৰৱৰ বিষয় যে আমেৰিকাৰ ৰাষ্ট্ৰপতিৰ ৪ বছৰীয়া কাৰ্যকালত এজন নেতাইহে এনে নিমন্ত্ৰণ লাভ কৰিব পাৰে, যিটো প্ৰধানমন্ত্ৰী মোদীয়ে লাভ কৰিছে।
আমেৰিকা চৰকাৰে প্ৰধানমন্ত্ৰী মোদীক আতিথ্য প্ৰদান কৰিব, আৰু যিহেতু এনে ভ্ৰমণৰ সকলো খৰচ আয়োজক দেশখনে বহন কৰে, সেয়েহে এই সময়ছোৱাত এই ধন আমেৰিকাই ব্যয় কৰিব।এই ভ্ৰমণকালতে দুয়োখন দেশৰ ৰাষ্ট্ৰীয় সংগীত বজাব মিলিটাৰী বেণ্ডে।এই অনুষ্ঠানতে দুয়োখন দেশৰ মুৰব্বীৰ মাজত উপহাৰৰ আদান-প্ৰদান হ’ব বুলিও জানিব পৰা গৈছে ৷
Continue Reading
