বাক্সাৰ বাৰাপেটাত অৰুণোদয় আঁচনিৰ পৰা বঞ্চিত শ শ দৰিদ্ৰ মহিলা ; স্বজন-তোষণৰ অভিযোগ ক্ষোভিত মহিলাৰ

ডিজিটেল ডেস্ক : অসম চৰকাৰে দৰিদ্ৰ মহিলাৰ বাবে ৰূপায়ণ কৰা অৰুণোদয় আঁচনিৰ পৰা এইবাৰ বাদ পৰিছে শ শ মহিলা ৷ বাক্সৰ বাৰাপেটা ভিচিডিচিৰ অন্তৰ্গত কেবাটাও বুথত অৰুণোদয়ৰ পৰা বাদ পৰিছে এই মহিলা সকল ৷ 

ৰাজপথলৈ ওলাই আহি জনালে তীব্ৰ প্ৰতিক্ৰিয়া ৷ উল্লেখ্য যে বিগত সময়ছোৱাত অৰুণোদয় আঁচনিত নাম থকা মহিলাইও পোৱা নাই অৰুণোদয় আঁচনিৰ ধন ৷ মহিলা সকলে কৰা অভিযোগ মতে ভিচিডিচিৰ সদস্যৰ স্বজন-তোষণ আৰু গাফিলতিৰ বাবে আঁচনিৰ বাদ পৰিবলগীয়া হৈছে দৰিদ্ৰ মহিলা সকলে ৷ 

আজি একাংশ মহিলা ভিচিডিচিৰ বিৰুদ্ধে তীব্ৰ ক্ষোভ প্ৰকাশ কৰাও পৰিলক্ষিত হয় ৷ ৰাজপথলৈ ওলাই অহা শতাধিক অৰুণোদয় বঞ্চিত মহিলা সকলে ৰাজ্যৰ মুখ্যমন্ত্ৰী হিমন্ত বিশ্ব শৰ্মাক ধন্যবাদ জনাই আৰু এই বঞ্চিত মহিলা সকলক উক্ত আঁচনিত শীঘ্ৰেই অন্তৰ্ভুক্ত কৰিবলৈ দাবী জনায় ৷