ৰোগীলৈ সকাহ চৰকাৰৰ! অত্যাৱশ্যকীয় ৩৫ বিধ ঔষধৰ দাম হ্রাস

ডিজিটেল ডেস্ক : চৰকাৰে ৰোগীক সকাহ দি একাংশ ঔষধৰ দাম হ্রাস কৰে। নেশ্যনেল ফার্মাচিউটিকেল প্রাইচিং অত্যাবশ্যকীয় ঔষধৰ অথৰিটিয়ে (এন পি পি এ) দাম হ্রাস কৰাৰ কথা ঘোষণা কৰে। দাম হ্রাস কৰা ঔষধসমূহৰ ভিতৰত পেৰাচিটামল, এটৰ্ভাষ্টেটিন আৰু এম'ক্সিচিলিনো আছে।

এন পি পি এই দাম হ্রাস কৰা ঔষধসমূহৰ ভিতৰত হৃৎপিণ্ডৰ ৰোগ, বহুমূত্ৰ ৰোগ তথা মানসিক ৰোগৰ চিকিৎসাত ব্যৱহাৰ কৰা ঔষধো আছে। দীর্ঘদিন ৰোগৰ সৈতে যুঁজ দি থকা ৰোগীসকলক চৰকাৰৰ এই সিদ্ধান্তৰ বহুখিনি সকাহ দিব।

ৰসায়ন আৰু সাৰ মন্ত্ৰ্যালয়ে এন পি পি এই নিৰ্ধাৰণ কৰা দামৰ ভিত্তিত এই সম্পৰ্কত এখন অধিসূচনা জাৰি কৰে। দাম হ্রাস কৰা ঔষধৰ তালিকাত এচিক্ল'ফিনাক, পেৰাচিটামল, ট্রিপছিন কাইম'ট্রেপছিন, এটৰ্ভাষ্টেটিনৰ ফিক্সড ড'জৰ লগতে এম'ক্সিচিলিন আৰু পটাচিয়াম ক্লেভুলানেট এটৰ্ভাষ্টেটিন কম্বিনেশ্যনৰ নতুন এন্টিবায়'টিক যেনে এম্পেগ্লিফ্লজিন, ছিটাগ্লিপটিন আৰু মেটফৰমিনো আছে। আনহাতে শিশুৰ বাবে প্ৰস্তুত কৰা ঔষধ চেফিক্সিম আৰু পেৰাচিটামলৰ অৰেল ছাছপেনছনৰ দামো হ্রাস পায়।

শৰীৰত ভিটামিন-ডি কম হ'লে ব্যৱহাৰ কৰা কলেকেলচিফেৰল ড্রপ আৰু ডিক্ল'ফেনাক ইনজেকশ্যনৰ দামো এতিয়াৰ পৰা হ্রাস পাইছে। মন্ত্ৰ্যালয়ে উক্ত অধিসূচনাখনত উল্লেখ কৰে যে পাইকাৰী আৰু খুচুৰা ঔষধ বিক্রেতাসকলে নিজৰ প্ৰতিষ্ঠানৰ সন্মুখত ঔষধৰ এই নতুন দামৰ তালিকা আঁৰি থ'ব লাগিব।

অন্যথা ডি পি চি অ', ২০১৩ আৰু ১৯৫৫ চনৰ অত্যাৱশ্যকীয় সামগ্ৰী আইনৰ অধীনত ব্যৱস্থা গ্রহণ কৰা হ'ব। এন পি পি এই প্ৰকাশ কৰা মতে নতুন দামত অৱশ্যে জি এছ টি ধৰা হোৱা নাই। জি এছ টি ধৰিলে এই ঔষধসমূহৰ দাম সামান্য বৃদ্ধি পাব।

উৎসঃ দৈনিক জনমভূমি