ডিজিটেল ডেস্কঃ সাধাৰণতে মহিলাসকলে চুলি দীঘলকৈ ৰাখে। বহু পুৰুষেও অৱশ্যে চুলি দীঘলকৈ ৰাখি ভালপায়।পুৰুষৰ পনিটেল, জোপোহা দীঘল চুলিয়ে বহুতৰে দৃষ্টিও আকৰ্ষণ কৰি আহিছে।উত্তৰ প্ৰদেশৰ এজন কিশোৰে দীঘল চুলিৰ জড়িয়তেই গঢ়িছে বিশ্বাভিলেখ। কিশোৰজন পৃথিৱীৰ আটাইতকৈ দীঘল চুলিৰ পুৰুষ হিচাবে গিনীজ বুক অব ৱৰ্ল্ড ৱৰ্ল্ড ৰেকৰ্ডছত স্থান লাভ কৰিছে।
উত্তৰ প্ৰদেশৰ গ্ৰেটাৰ নয়ডাৰ ১৫ বছৰীয়া শিখ কিশোৰ চিদাকদীপ সিং চাহালে এই অভিলেখ গঢ়িছে। ধৰ্মীয় ৰীতি-নীতিৰ বাবে তেওঁ জন্মৰ পৰাই কেতিয়াও চুলি কাটি পোৱা নাই। ডেৰ দশকতকৈ অধিক কাল ধৰি বাঢ়ি অহা কিশোৰ জনৰ চুলি এতিয়া ৪ ফুট ৩ ইঞ্চি দীঘল হৈছে।
কিশোৰ জনৰ এই অভিলেখৰ কথা উল্লেখ কৰি গিনীজ বুক কৰ্তৃপক্ষই ইউটিউবত এটা ভিডিঅ' পোষ্ট কৰিছে। সেয়া ভাইৰেল হৈ পৰিছে। লৰা মানুহৰ ইমান দীঘল চুলি দেখি সকলোৱে আচৰিত হৈ পৰিছে।
কিশোৰজনে গিনীজ বুক অফ ৱৰ্ল্ড ৰেকৰ্ডছত নিজৰ নাম অন্তৰ্ভুক্ত হোৱাত অত্যন্ত সুখী।তেওঁ কয় "মই এজন শিখ, আমাৰ ধৰ্মত চুলি ৰখাটো এটা নিয়ম। ইমান দীঘল চুলি পাবলৈ যথেষ্ট যত্ন ল’বলগীয়া হৈছে। মোৰ পৰিয়ালৰ সমৰ্থন অবিহনে এয়া কেতিয়াও সম্ভৱ নহ'লহেঁতেন। মোৰ মায়ে সৰুৰে পৰাই মোৰ চুলিৰ যত্ন লৈ আহিছে। "
Continue Reading
