ডিজিটেল ডেস্কঃ মানুহৰ তেজত থকা গ্লুক’জে নিৰ্ধাৰিত সীমা অতিক্ৰম কৰিলে ডায়েবেটিছ ৰোগ হয়। অগ্নাশয়ৰ দ্বাৰা নিৰ্মিত ইনচুলিনে খাদ্যৰ পৰা গ্লুক’জক কোষলৈ ভাঙি শক্তিৰ বাবে ব্যৱহাৰ কৰাত সহায় কৰে। কেতিয়াবা শৰীৰে পৰ্যাপ্ত পৰিমাণৰ ইনচুলিন তৈয়াৰ নকৰে বা ইনচুলিন ভালদৰে ব্যৱহাৰ কৰিব নোৱাৰে। তেতিয়া গ্লুক’জ তেজত থাকি কোষৰ ওচৰ নাপায় আৰু তেজত থকা গ্লুক’জ বাঢ়ি যায়।
ডায়েবেটিছ ৰোগত হৃদৰোগ, ষ্ট্ৰোক, বৃক্কৰ সমস্যা, চকুৰ সমস্যা আদি হব পাৰে। শেহতীয়াকৈ মেডিকেল ৱেবছাইট Diabetes.co.uk য়ে জনাইছে যে ডায়েবেটিছ ৰোগীৰ ক্ষেত্ৰত প্ৰস্ৰাৱৰ সৈতে জড়িত এটা লক্ষণ দেখা যায়। যদি কোনোবাই সেই লক্ষণ দেখা পায়, তেন্তে তেওঁ লগে লগে বিশেষজ্ঞক লগ কৰিব লাগে।
চিকিৎসা ৱেবছাইট Diabetes.co.uk ৰ তথ্য অনুসৰি যিসকল লোকৰ অতিৰিক্ত প্ৰস্ৰাৱ হয় বা যিসকল লোকে সঘনাই প্ৰস্ৰাৱ কৰিবলৈ যায় তেওঁলোকৰ টাইপ ১ আৰু ২ ডায়েবেটিছৰ আশংকা থাকিব পাৰে।
অধিক আৰু বেছিকৈ প্ৰস্ৰাৱ কৰিলে ডিহাইড্ৰেচন হ’ব পাৰে, যাৰ চিকিৎসা নকৰিলে বৃক্কৰ কাৰ্য্যত প্ৰভাৱ পৰিব পাৰে। ডায়েবেটিছত তেজৰ চেনিৰ মাত্ৰা স্বাভাৱিকতকৈ বেছি হয় গতিকে বৃক্কই সকলো চেনি পুনৰ শোষণ কৰিব নোৱাৰে আৰু তেজৰ পৰা অতিৰিক্ত গ্লুক’জ প্ৰস্ৰাৱলৈ যায় আৰু তাৰ পৰা অধিক পানী টানে। অৰ্থাৎ শৰীৰে প্ৰচুৰ পৰিমাণে প্ৰস্ৰাৱ উৎপন্ন কৰিবলৈ আৰম্ভ কৰে।
বিশেষজ্ঞসকলৰ মতে গ্লুক’জৰ মাত্ৰা বেছি হ’লে শৰীৰে বৃক্কৰ জৰিয়তে তেজৰ পৰা পৃথক কৰিবলৈ চেষ্টা কৰে আৰু অধিক পানী ফিল্টাৰ কৰা হয়। কোনো কাৰণ নোহোৱাকৈ কেইবাদিনো অত্যধিক প্ৰস্ৰাৱ ওলাই গ’লে চিকিৎসকৰ ওচৰলৈ যাবলৈ পৰামৰ্শ দিয়া হয়। ডায়েবেটিছ ইউ কেৰ তথ্য অনুসৰি ডায়েবেটিছৰ আন লক্ষণসমূহ হ’ল- পিয়াহ বৃদ্ধি, ভাগৰুৱা অনুভৱ আৰু ওজন কমি যোৱা।
Continue Reading
