ডিজিটেল ডেস্কঃ পুনৰ বিতৰ্কত সোমাই পৰিছে ভাৰতীয় উদ্যোগী অশ্বনীৰ গ্ৰোভাৰ৷কেন্দ্ৰীয় চৰকাৰৰ সমীক্ষাৰ অধীনত ভাৰতৰ আটাইতকৈ পৰিষ্কাৰ চহৰ হিচাপে ইন্দোৰৰ স্থান “ক্ৰয়” বুলি মন্তব্য কৰাৰ পিছত সোমবাৰে ভাৰত পেৰ সহ-প্ৰতিষ্ঠাপক অশ্বনীৰ গ্ৰোভাৰৰ বিৰুদ্ধে মানহানিৰ গোচৰ ৰুজু কৰা হয়। এই গোচৰ ভাৰতীয় দণ্ডবিধিৰ ৪৯৯ আৰু ৫০০ ধাৰা (মানহানি আৰু ইয়াৰ শাস্তি)ৰ অধীনত গোচৰ ৰুজু কৰা হৈছে।
ইপিনে গ্ৰোভাৰে স্পষ্ট কৰি দিছে যে তেওঁ মাত্ৰ বুজাইছিল যে ইন্দোৰত বহুত নিৰ্মাণৰ কাম চলি আছে য’ত লেতেৰা আছে, আৰু তেওঁ কোৱা নাছিল যে চহৰখনৰ গোটেইখিনিতে লেতেৰা আছে।ভিডিঅ’টোৰ প্ৰতি প্ৰতিক্ৰিয়া প্ৰকাশ কৰি ইন্দোৰৰ মেয়ৰ পূষ্যমিত্ৰ ভাৰ্গৱে সংবাদ সংস্থা পিটিআইক কয় যে অশ্বনীৰ গ্ৰোভাৰৰ এই বক্তব্য “পৰিস্কাৰ কৰাৰ বাবে চহৰখনৰ জনসাধাৰণ আৰু স্বচ্ছতাৰ কামত নিয়োজিত অনাময় কৰ্মীসকলৰ কঠোৰ পৰিশ্ৰমৰ অপমান”।উল্লেখ্য যে কেন্দ্ৰৰ স্বচ্ছ সুৰক্ষা বঁটাৰ অধীনত একেৰাহে ৬ বছৰ ধৰি ভাৰতৰ স্বচ্ছ চহৰৰ তালিকাত শীৰ্ষস্থান দখল কৰিছে মধ্যপ্ৰদেশৰ ইন্দোৰে।
Continue Reading
