ডিজিটেল ডেস্কঃ পুনৰ প্ৰেক্ষাপটত নগালেণ্ডৰ সশস্ত্ৰ বিদ্ৰোহী গোট NSCN(IM)৷নগালেণ্ডৰ নেশ্যনেল ছ’চিয়েলিষ্ট কাউন্সিল(IM)এ শনিবাৰে (৯ ছেপ্টেম্বৰ) জাৰি কৰা এক বিবৃতিত সাত দশক পুৰণি নগা ৰাজনৈতিক সংঘাতৰ সমাধান ভাৰতীয় সংবিধানৰ অধীনত সম্ভৱ নহয় বুলি উল্লেখ কৰি সুকীয়া পতাকাৰ দাবী জনায় আৰু সংবিধানৰ কথা উল্লেখ কৰে।
কেন্দ্ৰীয় চৰকাৰে বিদ্ৰোহী সংগঠনটোৰ সৈতে পুনৰ আলোচনা আৰম্ভ কৰাৰ কিছুদিন পাছতে এই বিবৃতি প্ৰকাশ কৰিছে।যোৱা ৮ ছেপ্টেম্বৰত সেনাপতি জিলাৰ (মণিপুৰত) মায়ংখাঙত অনুষ্ঠিত হোৱা পৰামৰ্শমূলক বৈঠকৰ শেষত এন এছ চি এন-আই এমৰ উদ্দেশ্য পোহৰলৈ আহে। ডেক্কান হেৰাল্ডৰ মতে, চলি থকা নগাসকলৰ ৰাজনৈতিক বিষয়টোৰ উন্নয়নৰ বিষয়ে নেতা আৰু ‘কাৰ্যবাহী পৰিচালনা সমিতি’ক অৱগত কৰিবলৈ এই বৈঠক আয়োজন কৰা হৈছিল।প্ৰতিবেদনত কোৱা হৈছে যে ২০১৫ চনৰ আগষ্ট মাহত কেন্দ্ৰীয় চৰকাৰৰ সৈতে স্বাক্ষৰিত ‘ফ্ৰেমৱৰ্ক এগ্ৰিমেণ্ট’ৰ মূল বিষয়সমূহত আবদ্ধ হৈ থকাৰ প্ৰস্তাৱৰ আলোচনাৰ জৰিয়তে এই বৈঠকৰ সামৰণি পৰে।
উল্লেখ্য যে যোৱা ২৫ আগষ্টত দিল্লীত কেন্দ্ৰীয় চৰকাৰে সংগঠনটোৰ সৈতে পুনৰ আলোচনা আৰম্ভ কৰাৰ পাছত এন এছ চি এন-আই এমৰ এইটোৱেই আছিল প্ৰথমটো বক্তব্য। সভাত সংগঠনটোৰ সাধাৰণ সম্পাদক থুইংগালেং মুইবাই অংশগ্ৰহণ কৰে।মণিপুৰৰ পাহাৰত থকা সম্প্ৰদায়টোৰ চুবুৰীয়া কুকি জনগোষ্ঠীয়ে কেন্দ্ৰীয় চৰকাৰৰ পৰা ‘বিচ্ছিন্ন প্ৰশাসন’ৰ দাবী উত্থাপন কৰিবলৈ আৰম্ভ কৰাৰ সময়তে কেন্দ্ৰীয় চৰকাৰে আনুষ্ঠানিকভাৱে পুনৰ আৰম্ভ কৰিছে নগাসকলৰ লগত আলোচনা।স্মৰ্তব্য যে এন এছ চি এন-আই এমকে ধৰি নগা গোটসমূহে দাবী কৰে যে নগাসকল কেতিয়াও ভাৰতৰ অংগ নাছিল আৰু ১৯৪৭ চনৰ ১৪ আগষ্টত ‘স্বাধীনতা’ ঘোষণা কৰিছিল।
Continue Reading
