ডিজিটেল ডেস্ক: শেহতীয়াকৈ দিল্লী আৰক্ষীয়ে বলীউডৰ অভিনেত্ৰী নোৰা ফাতেহীক সোধা-পোছা কৰিছে। দিল্লী আৰক্ষীৰ আৰ্থিক অপৰাধ শাখা ৪ ঘণ্টা ধৰি অভিনেত্ৰীগৰাকীক জেৰা কৰিছে।
দিল্লী আৰক্ষীয়ে নোৰা ফতেহীৰ ওপৰত চলাইছে কঠোৰ তদন্ত। এতিয়া দিল্লী আৰক্ষীৰ অৰ্থনৈতিক অপৰাধ শাখাই নোৰা ফাতেহীক সোধা-পোছা কৰিছে। খবৰ অনুসৰি প্ৰায় চাৰি ঘণ্টা ধৰি চলিছিল এই জেৰা। ইতিমধ্যে এই গোচৰত আবদ্ধ হৈ থকা বলীউডৰ অভিনেত্ৰী জেকলিন ফাৰ্নাণ্ডেজক ১২ ছেপ্টেম্বৰত জেৰা কৰিব ইঅ’ৱাই। উল্লেখযোগ্য যে ২০০ কোটিতকৈ অধিক ধন প্ৰতাৰণা কৰাৰ অভিযোগত অভিযুক্ত সুকেশ চন্দ্ৰশেখৰে নোৰা ফতেহী আৰু বলীউডৰ অভিনেত্ৰী জেকলিন ফাৰ্নাণ্ডেজৰ বাবে কোটি কোটি টকা ব্যয় কৰিছিল। ইডিৰ তদন্তত আটাইকেইজন অভিযুক্ত পোহৰলৈ আহিছিল । ইয়াৰ পাছতে ইডিয়ে সুকেশ আৰু নোৰাক মুখামুখিকৈ মানি লণ্ড্ৰিংৰ বিষয়ক লৈ প্ৰশ্ন উত্থাপন কৰে।
শেহতীয়া খবৰ অনুসৰি দিল্লী আৰক্ষীৰ আৰ্থিক অপৰাধ শাখাই নোৰা ফাতেহীক জেৰাৰ সময়ত ৫০টাতকৈও অধিক প্ৰশ্ন কৰিছিল। য’ত তেওঁলোকে পোৱা দামী উপহাৰৰ পৰা আৰম্ভ কৰি দুয়োৰে মাজত হোৱা কথা-বতৰা আৰু কেতিয়া আৰু ক’ত পাইছিল সেই সকলোবোৰ অন্তৰ্ভুক্ত কৰা হৈছিল। কোৱা হৈছে যে নোৰাই ভাল সঁহাৰি দিছিল আৰু সকলো প্ৰশ্নৰ উত্তৰ দিছিল। লগতে অভিনেত্ৰীগৰাকীয়ে লগতে কয় যে জেকলিনৰ সৈতে তেওঁৰ কোনো সম্পৰ্ক নাই। সুকেশৰ লগত তেওঁৰ সুকীয়া কথা-বতৰা হৈছিল।
ইয়াৰ উপৰিও নোৰাই জেৰাৰ সময়ত এইটোও কয় যে সুকেশৰ পত্নীয়ে অভিনেত্ৰীগৰাকীক কিছুমান নেইল আৰ্ট ফাংচনৰ বিষয়ে কৈছিল, তাৰ পাছত তেওঁলোকে তাত লগ পাইছিল। সেই সময়ছোৱাত সুকেশ আৰু তেওঁৰ পত্নীয়ে নোৰাক এখন বিএমডব্লিউ গাড়ী উপহাৰ দিছিল। ইয়াৰ উপৰিও নোৰাই লগতে কয় যে তেওঁৰ হাতত সুকেশৰ অপৰাধমূলক পটভূমিৰ কোনো তথ্য নাই।
উল্লেখযোগ্য যে এই বিষয়টো যোৱা কেইবামাহ ধৰি চলি আছে। গুণ্ডা সুকেশ চন্দ্ৰশেখৰ আৰু জেকলিন ফাৰ্নাণ্ডেজৰ মাজত উপহাৰৰ লেনদেন হৈছিল। ইয়াৰ পাছত ইডিয়ে এই বিষয়টো তদন্ত কৰিলে আৰু শেহতীয়া বাতৰি অনুসৰি তেওঁলোকৰ বহু প্ৰশ্ন আছে যাৰ উত্তৰ বিচাৰি আছে। অৱশ্যে জেকলিন ফাৰ্নাণ্ডেজৰ বিৰুদ্ধে দাখিল কৰা ইডিৰ অভিযোগনামাও চৰ্চালৈ আহিছে। এতিয়া দিল্লী আৰক্ষীৰ অৰ্থনৈতিক অপৰাধ শাখাই ১২ ছেপ্টেম্বৰত জেকলিন ফাৰ্নাণ্ডেজক জেৰা কৰিব।
Continue Reading
