পথ দুৰ্ঘটনাত সহঃ অভিনেত্ৰী পবিত্ৰাৰ মৃত্যুৰ পিছতে দুখৰ ভৰ সহিব নোৱাৰি আত্মহনন কৰিলে তেলেগু অভিনেতা চন্দ্ৰকান্তই

 চন্দ্ৰকান্তৰ  পিতৃয়ে প্ৰকাশ কৰা অনুসৰি অভিনেতাজন যোৱা কেইদিনমান ধৰি হতাশাগ্ৰস্ত হৈ আছিল।  অভিনেতা চন্দ্ৰকান্তৰ আকস্মিক মৃত্যুৰ খৰ এতিয়া মানি ল’ব খোজা নাই তেওঁৰ অনুৰাগীসকলে। তেলেগু অভিনেতাজনক বহুতেই  মৰমেৰে চান্দু বুলি  কৈছিল।  তেওঁৰ মৃত্যুৰ খবৰে অনুৰাগী আৰু মনোৰঞ্জন উদ্যোগক হতবাক কৰি তুলিছে।  অভিনেতাগৰাকীয়ে তেওঁৰ মৃত্যুৰ অলপ আগতে ইনষ্টাগ্ৰামত শ্বেয়াৰ কৰিছিল  এক  আৱেগিক পোষ্ট, চন্দ্ৰকান্তই পোষ্টটোত  আত্মহননৰ  উদ্দেশ্যৰ ইংগিতো দিছিল।  কিন্তু কোনেও সেই ইংগিত ধৰিব নোৱাৰিলে। পবিত্ৰা জয়ৰামৰ জন্মদিনত শ্বেয়াৰ কৰা পোষ্টটোত অভিনেতাজনে লিখিছিল, "নান্না ......  মাত্ৰ ২ দিনৰ বাবে অপেক্ষা কৰা।" অভিনেতা চন্দ্ৰকান্তৰ সৈতে পবিত্ৰাৰ মধুৰ সম্পৰ্ক আছিল। বহুতে তেওঁলোকৰ মাজত প্ৰেমৰ সম্পৰ্খ থকাৰ কথাও আলোচনা কৰিছিল।  সেয়ে অভিনেতাজনে তেওঁ  সহ-অভিনেত্ৰীগৰাকীৰ  জন্মদিনৰ শুভেচ্ছা জনাই তেওঁৰ  পবিত্ৰৰ স্মৃতিত  পোষ্টটো কৰিছিল। 

পোষ্টটো এতিয়া বহুতৰে বাবে হৈ পৰিছে এক হৃদয়বিদারক বিদায় বাৰ্তা ।  চন্দ্ৰকান্তই পবিত্ৰ জয়ৰামক হেৰুওৱাৰ পিছতে  শোকত ভাগি পৰিছিল।  পবিত্ৰাই প্ৰাণ হেৰুওৱা দুৰ্ঘটনাটোৰ সময়ত চন্দ্ৰকান্তও বাহনখনত আছিল। ঘটনাটো চকুৰ সন্মুখতে ঘটি গৈছিল চন্দ্ৰকান্তৰ।   ইমান মৰমৰ কাৰোবাক হেৰুওৱাৰ আঘাতে তীব্ৰ আৱেগিক কৰি তুলিছিল তেওঁক। দুখৰ ভৰ সহিব নোৱাৰিয়েই অভিনেতাগৰাকীয়ে আত্মহননৰ পথ বাছি লোৱা বুলি বহুতে নিশ্চিত হৈছে। 

এক শেহতীয়া সাক্ষাৎকাৰত  চন্দ্ৰকান্তই  প্ৰকাশ কৰিছিল যে তেওঁ আৰু পবিত্ৰাই  বাংগালুৰু ভ্ৰমণৰ পিছত তেওঁলোকৰ সম্পৰ্ক আনুষ্ঠানিক কৰাৰ পৰিকল্পনা কৰিছিল। আৰক্ষীয়ে এটা গোচৰ ৰুজু কৰিছে আৰু চন্দ্ৰকান্তৰ মৃত্যুৰ পৰিস্থিতিৰ অনুসন্ধান কৰি আছে।  উল্লেখ্য  পবিত্ৰা জয়ৰামে  ১২ মে'ত হায়দৰাবাদত এক পথ দুৰ্ঘটনাত প্ৰাণ হেৰুৱাইছিল, এখন বাছৰ তেওঁৰ গাড়ীৰ সৈতে সংঘৰ্ষ  হোৱাৰ ফলতে অভিনেত্ৰীগৰাকীৰ মৃত্যু ঘটিছিল। মাৰাত্মক দুৰ্ঘটনাটোৰ সময়ত তেওঁৰ  সৈতে তেওঁৰ ভগ্নী, অপেক্ষা, চালক শ্ৰীকান্ত আৰু চন্দ্ৰকান্ত নিজেও একেখন গাড়ীতে আছিল।