ডিজিটেল ডেস্ক : লাইবেৰিয়াৰ এটা শ্ৰেণীকোঠাত আকাশী নীলা চাৰ্ট আৰু নেভী শ্বৰ্ট পৰিধান কৰা এজন ছাত্ৰই সকলোৰে দৃষ্টি আকৰ্ষণ কৰিছে৷ ছাত্ৰজনে তেওঁতকৈ কমেও ছয় বছৰ সৰু শিক্ষাৰ্থীৰ সৈতে শিক্ষাগ্ৰহণ কৰে। অলপতে তেওঁৰ এখন আলোকচিত্ৰ ছ'চিয়েল মিডিয়াত ভাইৰেল হৈ পৰিছে।
কিন্তু এই দৃশ্যটোৰ আঁৰৰ কাহিনীটোৱে এক আলোড়নৰ সৃষ্টি কৰিছে। 'অনেষ্টি ইজ দ্য বেষ্ট পলিচী'- এই ফটোখনৰ আঁৰৰ এয়াই যেন মূল নীতি৷ আফ্ৰিকান টেক্সিচালক হিচাপে কৰ্মৰত তেওঁ৷ তেওঁৰ সততাক সমগ্ৰ বিশ্বই এতিয়া শলাগিছে৷ সকলোতে লাভ কৰিছে তেওঁ প্ৰশংসা। দৰাচলতে, বিগত বৰ্ষত, তেওঁ ৰাস্তাৰ কাষত প্লাষ্টিকৰ মোনাত মেৰিয়াই থোৱা আমেৰিকান আৰু লাইবেৰিয়ান নোটত প্ৰায় ৩৮ লাখ টকা লাভ কৰিছিল।
১৯ বছৰীয়া যুৱকজনৰ নাম হৈছে ইমানুৱেল টুলো৷ তেওঁ পশ্চিম আফ্ৰিকাৰ দেশ লাইবেৰিয়াত টেক্সিচালক হিচাপে কৰ্মৰত। তেওঁ হেৰোৱা টকাখিনি পোৱাৰ পাছত টকাখিনি ঘূৰাই দিবলৈ বহু কষ্ট কৰিছিল, তেওঁ বিজ্ঞাপন দিছিল যে, যদি কোনোবাই চৰকাৰী ৰেডিঅ'ত টকাখিনিৰ বাবে আবেদন কৰে, তেন্তে তেওঁ সেইটো তেওঁক ঘূৰাই দিব।
ইমানুৱেলৰ জীৱনত পৰিৱৰ্তন আনিবলৈ সেই পৰিমাণৰ ধন যথেষ্ট আছিল, আনকি তেওঁ সেই টকাখিনিৰে লাহ বিলাসিতাৰে জীৱন কটাব পাৰে। কিন্তু তেওঁ ধনৰ সঠিক গৰাকী বিচাৰি উলিওৱাত সহায়ৰ বাবে ৰাষ্ট্ৰীয় ৰেডিঅ'ত আবেদন কৰিছিল। তেওঁৰ সততাৰ বাবে বঁটা লাভ কৰে৷ তেওঁ কিহেৰে পুৰস্কৃত কৰিব বুলি সোধাত তেওঁ কৈছিল যে, তেওঁক শিক্ষাগত অৰ্হতা সম্পূৰ্ণ কৰিবলৈ এখন ভাল মহাবিদ্যায়ললৈ যাব বিচাৰে৷
যাৰ পাছত ইমানুৱেলক লাইবেৰিয়াৰ অন্যতম প্ৰখ্যাত বিদ্যালয় ৰিক্স ইনষ্টিটিউটত ভৰ্তি কৰোঁৱা হয়। ৰাষ্ট্ৰপতি জৰ্জ ব্যাই ইমানুৱেলক প্ৰায় ৮ লাখ টকাৰেও পুৰস্কৃত কৰিছিল। এজন স্থানীয় সংবাদ মাধ্যমৰ মালিকে তেওঁক দৰ্শক আৰু দৰ্শকৰ পৰা লাভ কৰিছিল নগধ ধনেৰে ইমানুৱেলে ১ লাখ টকাৰ অধিক মূল্যৰ কিতাপ উপহাৰ হিচাপে দিছিল। ইয়াৰ উপৰি, এখন আমেৰিকান মহাবিদ্যালয়ে মাধ্যমিক শিক্ষা সম্পূৰ্ণ কৰাৰ পিছত তেওঁক সম্পূৰ্ণ বৃত্তি প্ৰদান কৰে।
Continue Reading
