ডিজিটেল ডেস্কঃ মণিপুৰক লৈ সৰৱ হৈ পৰিল জয়া বচ্চন। অতি চৰ্চিত শেহতীয়া এটা ভাইৰেল ভিডিঅ’ৰ প্ৰতিক্ৰিয়াস্বৰূপেই নিজৰ প্ৰতিক্ৰিয়া ব্যক্ত কৰিছে তেওঁ।
ANIক জয়া বচ্চনে কয়, ''মোৰ বৰ বেয়া লাগিল, গোটেই ভিডিঅ’টো চাব পৰা নাছিলো। মোৰ লাজ লাগিল। মে’ মাহত এইটো হৈছিল কিন্তু এতিয়া ভাইৰেল হৈ পৰিছে। কিন্তু, কোনেও সহানুভূতিৰে এটা শব্দও কোৱা নাই। এইটো মহিলাৰ সুৰক্ষাৰ বিষয়। কিন্তু এনেকুৱা কথা কোৱা হয় যে আমি এটা পেনেলৰ বাবে ৫০ শতাংশ মহিলাক বাছি লৈছো।”
জয়া বচ্চনে লগতে কয়, “হাথী কে দাত হায়। বৰ হতাশাজনক৷ প্ৰতিদিনে নাৰীৰ লগত কিবা নহয় কিবা এটা ঘটি আছে। ইউ পিত আমি তাত কি হয় জানিব নাপাওঁ, যোগী আদিত্যনাথ জীয়ে কেতিয়াও খুলি ভাঙি নকয়। সমগ্ৰ দেশতে মহিলাৰ লগত কি হৈ আছে? এয়া অপমান। বৰ দুখৰ কথা।”
উল্লেখ্য যে মণিপুৰৰ ভিডিঅ’টো ভাইৰেল হোৱাৰ পাছতে অক্ষয় কুমাৰ, কিয়াৰা আদৱানীকে ধৰি বলিউডৰ বহু তাৰকাই ইয়াৰ প্ৰতিক্ৰিয়া প্ৰকাশ কৰিছে।
Continue Reading
