ডিজিটেল ডেস্কঃভাৰতৰ এখন চহৰ প্ৰতিদিনে পুৱা ঠিক ৮-৩০ বজাত ৫২ ছেকেণ্ডৰ বাবে স্তব্ধ হৈ পৰে। সেই সময়ছোৱাত চহৰ খনত চলি থকা সকলো যান-বাহন য’তেই আছে ত’তেই ৰৈ যায়। কোনোৱাই যদি বহি থাকে তেঁৱো উঠি থিয় হয়। বজাৰৰ পৰা ব্যস্ত ৰাস্তালৈকে, পথচাৰীসকলে তেওঁলোকৰ নিজৰ নিজৰ ঠাইতে ৫২ ছেকেণ্ডৰ বাবে ৰৈ দিয়ে।
কিন্তু প্ৰতিদিনে কিয় এনেদৰে এক নিৰ্দিষ্ট সময়ত স্তব্ধ হৈ পৰে ভাৰতৰ এই চহৰ খন? ক’ত আছে এই চহৰ খন? প্ৰতিদিনে পুৱা ঠিক ৮-৩০ বজাত ৫২ ছেকেণ্ডৰ বাবে স্তব্ধ হৈ পৰা চহৰ খন আছে তেলেংগানাত।
দৰাচলতে, পুৱা ৮:৩০ বজাত সমগ্ৰ চহৰখনত ৰাষ্ট্ৰীয় সংগীত বজোৱা হয়।ৰাষ্ট্ৰীয় সংগীত ৫২ ছেকেণ্ড ধৰি বাজে। সেয়ে ৫২ ছেকেণ্ডৰ বাবে চহৰ খনৰ সকলোৱে য’তে আছে তাতে ৰৈ দিয়ে আৰু ৰাষ্ট্ৰীয় সংগীতৰ প্ৰতি সন্মান প্ৰদৰ্শন কৰে।
তেলেংগানাৰ এই চহৰখনৰ নাম নালগোণ্ডা। ৭,১২২ বৰ্গ কিলোমিটাৰ এলেকাৰ চহৰখনৰ জনসংখ্যা ১৬ লাখ ১৮ হাজাৰ ৪১৬।
প্ৰতিদিনে পুৱা ঠিক ৮-৩০ বজাত ৫২ ছেকেণ্ডৰ বাবে চহৰ খনত ৰাষ্ট্ৰীয় সংগীত বজোৱাৰ নিয়ম ২০২২ চনৰ ২৩ জানুৱাৰীৰ পৰা কৰা হৈছে। তেতিয়াৰে পৰাই প্ৰতিদিনে পুৱা ঠিক ৮-৩০ বজাত ৫২ ছেকেণ্ডৰ বাবে চহৰ খন স্তব্ধ হৈ পৰে।
'জন গণ মন উৎসৱ সমিতি'ৰ সভাপতি কৰ্ণাটি বিজয়কুমাৰে চহৰখনত এই নিয়ম প্ৰৱৰ্তন কৰিছে।
বিজয়কুমাৰে দাবী কৰে যে ইয়াৰ জৰিয়তে জনসাধাৰণৰ মনত দেশপ্ৰেমৰ ভাব বৃদ্ধি পাব।
নলগোণ্ডা চহৰৰ ১২ টা মুখ্য স্থানত মাইকৰ জৰিয়তে ৰাষ্ট্ৰীয় সংগীত বজোৱা হয়।
ইতিমধ্যে সিদ্ধান্ত লোৱা হৈছে যে এই প্ৰথাটো নালগোণ্ডা চহৰৰ কাষৰীয়া গাওঁবোৰতো আৰম্ভ কৰা হ'ব।দেশপ্ৰেমৰ ভাব জগৈাই তোলাৰ বাবে গ্ৰহণ কৰা এনে পদক্ষেপে বহুতকে উৎসাহিত কৰি তোলা পৰিলক্ষিত হৈছে।
Continue Reading
