ডিজিটেল ডেস্কঃ বিশ্বকাপৰ ছেমি ফাইনেলত প্ৰৱেশ কৰাৰ পূৰ্বে পাকিস্তান ঘৰলৈ গুচি গৈছে। আনহাতে, বিশ্বকাপৰ ফাইনেলত প্ৰৱেশ কৰিছে ভাৰত। ৱানখেদেত অনুষ্ঠিত ছেমি ফাইনেলত নিউজিলেণ্ডৰ বিৰুদ্ধে গুৰুত্বপূৰ্ণ টছত জয়লাভ কৰে ৰোহিত শৰ্মাই।
এইবাৰ পাকিস্তানৰ প্ৰাক্তন ক্ৰিকেটাৰ ছিকন্দৰ বাখটে এই টছিংক লৈ প্ৰশ্ন উত্থাপন কৰে। বিচিচিআই আৰু আইচিচিৰ গোপন বুজাবুজিৰ অভিযোগ তেওঁ।
টেলিভিছনৰ এটা অনুষ্ঠানত চিকান্দৰে কয়- ‘‘মোৰ এটা প্ৰশ্ন আছে। বাকী সকলো দলৰ অধিনায়ক আৰু ৰোহিতৰ টছিঙৰ মাজত পাৰ্থক্য আছে। আন কেপ্তেইনে টছৰ সময়ত কইনটো বেছি ওপৰলৈ টছ নকৰে। কিন্তু ৰোহিতে খুব ওপৰলৈ কইন নিক্ষেপ কৰা দেখিব। ফলত কইনটো বহু দূৰলৈ সৰি পৰে। বিপক্ষৰ অধিনায়ক য'ত থিয় হৈ থাকে তাৰ পৰা হেড নে টেইল সেইটো ক'ব পৰা নাযায়৷’’
ছিকন্দৰ ইয়াতেই ৰৈ নাথাকিল। তেওঁ লগতে অভিযোগ কৰে যে, "টছৰ পিছত মেচৰ ৰেফাৰীয়ে কয় সেয়া হেড হওক বা টেইল। প্ৰতিখন গুৰুত্বপূৰ্ণ মেচতে টছত জয়ী হৈ আছে ৰোহিতে। কিন্তু বিশ্বকাপৰ পূৰ্বে তেওঁ জয়ী হোৱা নাছিল। এই বিষয়ত তদন্ত হ’ব লাগে। বিশ্বকাপৰ দৰে প্ৰতিযোগিতাত টছৰ অতি গুৰুত্বপূৰ্ণ ভূমিকা আছে। কোনো দলক অতিৰিক্ত সুবিধা দিয়া উচিত নহয়।”
Continue Reading
