পত্নীপ্ৰেম! পাকিস্তানৰ বিৰুদ্ধে ‘বিৰাট’ ইনিংছ খেলি লগালগ অনুষ্কালৈ ফোন লগালে কোহলীয়ে

ডিজিটেল ডেস্কঃ দেশজুৰি আনন্দৰ বন্যা বৈ গৈছে। পাকিস্তানৰ বিৰুদ্ধে বিজয়ী ইনিংছৰ দ্বাৰা দিৱালীৰ পৰিৱেশ নমাই আনিলে বিৰাট কোহলীয়ে। এতিয়া সৰ্বত্ৰে চৰ্চা কিং কোহলীক লৈয়েই।

কিন্তু ৫৩ বলত ৮২ ৰাণৰ শ্বাহৰুদ্ধকৰ ইনিংছটো খেলি দলক বিজয়ী কৰোৱাৰ পাছত কি কৰিছিল কোহলীয়ে? জানিব পৰামতে, মেচখন শেষ হোৱাৰ লগে লগে কোহলীয়ে অনুষ্কালৈ ফোন লগায়।

মেচখনৰ পাছত হোৱা কথা-বাৰ্তাত কোহলীয়ে জনায় যে মেচখন শেষ কৰি ড্ৰেচিং ৰুমলৈ যোৱাৰ পাছতে অনুষ্কাৰ স’তে তেওঁৰ ফোনত কথা হয়।

“বিৰাট সুখী তেওঁ। মোক কৈছে যে সকলোৱে ফোন কৰি তেওঁক শুভেচ্ছা জনাইছে।”- কোহলীয়ে কয়- “বাহিৰত কি হৈ আছে তেওঁৰ পৰাই মই জানিব পাৰিলো। মই মোৰ নিজৰ কামত ব্যস্ত আছিলো। মোৰ মূল লক্ষ্য আছিল মেচ জিকা।”

সাধাৰণতে বিদেশত খেলা হ’লেই কোহলীৰ লগত তেওঁৰ পত্নী তথা অভিনেত্ৰী অনুষ্কা শৰ্মাক দেখা যায়। গেলাৰীৰ পৰা কোহলী তথা টীম ইণ্ডিয়াক উৎসাহ যোগায় আহিছে অনুষ্কাই।

কিন্তু এইবাৰ অনুষ্কাই এখন বায়’পিকৰ কামত কলিকতাত ব্যস্ত আছে। ভাৰতৰ মহিলা ক্ৰিকেটাৰ ঝুলন গোস্বামীৰ ওপৰত নিৰ্মিত বায়’পিকখনৰ বাবে অষ্ট্ৰেলিয়ালৈ যাব পৰা নাই অনুষ্কা।