ডিজিটেল ডেস্কঃ কাৰণটো অতি সামান্য আছিল যদিও এটা পৰিয়ালক কৰি দিলে তচনচ। চিকেন খাবলৈ নোপোৱাৰ বাবেই এজন যুৱকে আত্মহত্যা কৰে। যুৱকজনে চিকেন খাবলৈ মন কৰি ঘৰলৈ চিকেন আনিছিল, কিন্তু পত্নীয়ে চিকেন ৰান্ধিবলৈ অস্বীকাৰ কৰিছিল। তাকে লৈ দুয়োৰে মাজত বিবাদ আৰম্ভ হয়।
বিবাদ ইমানেই বাঢ়িল যে যুৱকজনে আত্মহত্যাৰ পদক্ষেপ বাচি লয়। কাজিয়া লাগি পত্নীয়ে কোঠালৈ যোৱাৰ সময়তে যুৱকজনে আন এটা কোঠাত চিপ লৈ আত্মহত্যা কৰে।
উত্তৰ প্ৰদেশৰ ঝাঞ্চীত বুধবাৰে সংঘটিত হৈছে এই ঘটনা। পৱন কুমাৰ (৩৬) নামৰ যুৱকজনৰ প্ৰায় ৪ বছৰ আগতে প্ৰিয়ংকাৰ লগত বিয়া হৈছিল। বুধবাৰে নিশা পৱনে চিকেন লৈ ঘৰলৈ আহি পত্নীক ৰান্ধিবলৈ ক’লে। ২-৩ বাৰ কোৱাৰ পাছতো পত্নীয়ে চিকেন নাৰান্ধিলে, তাকে লৈ দুয়োৰে মাজত কাজিয়া হ’ল। কাজিয়া কৰি প্ৰিয়ংকা আনটো কোঠালৈ গৈ শুই পৰিল। পৱনেও নিজৰ কোঠালৈ গৈ দুৱাৰখন বন্ধ কৰি দিয়ে আৰু আত্মহত্যা কৰে।
ঘৰৰ মানুহে আৰক্ষীক মাতে। আৰক্ষীয়ে পৱনৰ মৃতদেহ মৰণোত্তৰ পৰীক্ষা কৰি আৰক্ষীক গতাই দিয়ে। পৱন আৰু প্ৰিয়ংকাৰ এগৰাকী ২ বছৰীয়া কন্যা আছে। আৰক্ষীয়ে ঘটনাটোৰ তদন্ত আৰম্ভ কৰিছে।
Continue Reading
