পত্নীয়ে কেৱল ৰান্ধিব জানে মেগি, দিনটোৰ তিনি সাঁজতে খাই মেগি! অতিষ্ঠ স্বামীয়ে পত্নীৰ লগত কৰিলে বিবাহ বিচ্ছেদ

ডিজিটেল ডেস্কঃ মেগি, ব্যস্ততাভৰা জীৱনত মানুহৰ মাজত প্ৰচুৰভাৱে সমাদৃত হোৱা এবিধ খাদ্য হৈছে মেগি। কিয়নো মেগি বনাবলৈ আটাইতকৈ কম সময় লাগে বুলি কলেও ভূল কোৱা নহব। কিন্তু, এই মেগিক লৈ এখন সংসাৰত লাগিল অথন্তৰ। বনাবলৈ সহজ আৰু কম সময়ৰ ভিতৰত তৈয়াৰ হোৱা সুবিধাৰ সুযোগ লৈ এখন ঘৰ পৰ্যন্ত ভাঙি গৈছে। 

কিয়নো পত্নীয়ে স্বামীয়ে পতীক তিনিবেলা কেৱল মেগিয়ে পৰিৱেশন কৰাত অতিষ্ঠ স্বামীয়ে পত্নীৰ লগত বিবাহ বিচ্ছেদ পৰ্যন্ত কৰিব লগা হৈছে। এইটো এটা কাহিনী যেন লাগিলেও, কিন্তু এইটো প্ৰকৃততে ঘটিছিল। ঘটনাটো মাইচুৰু জিলা আৰু আদালতৰ ন্যায়াধীশ এম.এল. ৰঘুনাথে বৰ্ণনা কৰিছিল। স্বামী আৰু পত্নীৰ মাজৰ এই কাজিয়া মেগীৰ সৈতে কেনেকৈ আৰম্ভ হৈছিল?

মাইচুৰু জিলা আৰু ফিলা আদালতৰ ন্যায়াধীশ এম.এল. ৰঘুনাথে কৈছিল, "যেতিয়া মই বল্লাৰী জিলা আদালতৰ ন্যায়াধীশ আছিলোঁ, তেতিয়া এক অদ্ভুত বিবাহ বিচ্ছেদৰ গোচৰ আহিছিল। ঘটনোটো এনেধৰণৰ, স্বামী বা পত্নীয়ে ৰান্ধিব দুয়োৱে ৰান্ধিব নাজানিছিল। যাৰবাবে তেওঁলোকে মেগীৰ ওপৰত নিৰ্ভৰ কৰিব লগা হৈছিল। স্বামীয়ে অভিযোগ কৰিছিল যে তেওঁৰ পত্নীয়ে তেওঁক দিনত তিনিবাৰেই মেগী ৰান্ধি খোৱাইছিল আৰু সেয়েহে তেওঁ বিবাহ বিচ্ছেদৰ বাবে আবেদন কৰিছিল। বিচাৰকজনে ধেমেলীয়াকৈ গোচৰটোক মেগি গোচৰৰ নাম দিছে। তেওঁ কৈছিল যে দম্পতীহালে অৱশেষত মধ্যস্থতাৰ জৰিয়তে পৃথক হৈছিল।

বিচাৰক এম এল ৰঘুনাথে কৈছিল, "বিবাহ বিচ্ছেদৰ গোচৰবোৰ সাধাৰণতে অলপ কঠিন হয়। বহুতে সন্তানৰ কথা মনত ৰাখি,  স্বামী আৰু পত্নীয়ে অৱশেষত একেলগে থাকিবলৈ সন্মত হয়। বহুসময়ত মানসিক সমস্যাৰ লগতে, শাৰীৰিক প্ৰয়োজনীয়তা পূৰণ কৰিব নোৱাৰাৰ দৰে সমস্যাৰ ফলত বিবাহ বিচ্ছেদ হয়। ৮০০-৯০০ টা ঘটনাৰ ভিতৰত, আমি কেৱল ২০ ৰ পৰা ৩০ টা কেছ সমাধান কৰিব পাৰোঁ। লোক আদালতত গড়ে ১১০ টা বিবাহ বিচ্ছেদৰ গোচৰ ৰুজু কৰা হয়। ''