প্ৰত্যাৱৰ্তন ঘটিল উমৰাণ মালিকৰ! নিউজিলেণ্ড ভ্ৰমণৰ বাবে টীম ইণ্ডিয়াৰ দল ঘোষণা কৰিলে বিচিচিআইয়ে

ডিজিটেল ডেস্কঃ জাতীয় দললৈ প্ৰত্যাৱৰ্তন ঘটিছে স্পীডষ্টাৰ উমৰাণ মালিক। পুনৰ দেখা যাব উমৰাঁণৰ ফাষ্ট বলিঙৰ যাদু। টি২০ বিশ্বকাপ চলি থকাৰ মাজতে সোমবাৰে আগন্তুক নিউজিলেণ্ড ভ্ৰমণ কৰিবলগা টীম ইণ্ডিয়াৰ দলটো ঘোষণা কৰা হৈছে।

উল্লেখ্য যে নিউজিলেণ্ডত ভাৰতে ৩খন টি২০ খেলিব। টি২০ মেচকেইখনৰ বাবে হাৰ্দিক পাণ্ডিয়া আৰু এদিনীয়া মেচৰ বাবে শিখৰ ধাৱানক অধিনায়কত্বৰ দায়িত্ব দিয়া হৈছে। টি২০ চিৰিজটো ১৮ নৱেম্বৰৰ পৰা আৰম্ভ হ’ব।

দলটোত কেইবাজনো জ্যেষ্ঠ তথা অভিজ্ঞ ক্ৰিকেটাৰক বিশ্ৰাম দিয়া গৈছে। বিশ্ৰাম দিয়া খেলুৱৈসকল হৈছে- ৰোহিত শৰ্মা, বিৰাট কোহলী, দীনেশ কাৰ্তিক, কেএল ৰাহুল আৰু আৰ অশ্বীন। অন্তৰ্ভূক্ত কৰা হৈছে শুভমান গী, শ্ৰেয়াছ আয়াৰ, সঞ্জু ছেমছন, ৱাশ্বিংটন সুন্দৰ, কুলদীপ যাদৱ, শ্বাহবাজ আহমেদ আৰু উমৰাণ মালিক আদি নতুন খেলুৱৈক।

নিউজিলেণ্ড ভ্ৰমণৰ বাবে ঘোষণা কৰা ভাৰতৰ টি-২০ দল- হাৰ্দিক পাণ্ডিয়া (অধিনায়ক), ঋষভ পন্ত (উপ অধিনায়ক আৰু উইকেটকিপাৰ), শুভমান গিল, ঈশান কিষাণ, দীপক হুডা, সূৰ্য কুমাৰ যাদৱ, শ্ৰেয়াছ আয়াৰ, সঞ্জু চেমছন (উইকেটকিপাৰ), ডব্লিউ সুন্দৰ, যুজবেন্দ্ৰ চাহাল, কুলদীপ যাদৱ, অৰ্শদীপ সিং, হৰ্ষল পেটেল, মহম্মদ চিৰাজ, ভুৱনেশ্বৰ কুমাৰ, উমৰণ মালিক।

নিউজিলেণ্ড ভ্ৰমণৰ বাবে ঘোষণা কৰা ভাৰতৰ এদিনীয়া দলটো- শিখৰ ধাৱান (অধিনায়ক), ঋষভ পন্ত (উপঅধিনায়ক আৰু উইকেটকিপাৰ), শুভমান গিল, দীপক হুডা, সূৰ্য কুমাৰ যাদৱ, শ্ৰেয়াছ আয়াৰ, সঞ্জু চেমচন (উইকেটকিপাৰ), ডব্লিউ সুন্দৰ, শাৰ্দুল ঠাকুৰ, শ্বাহবাজ আহমেদ, যুজবেন্দ্ৰ চাহল, কুলদীপ যাদৱ, দীপক চাহাৰ, কুলদীপ সেন, উমৰণ মালিক।