ডিজিটেল ডেস্ক : বেছিভাগ লোকেই
শীতকালত পানী কমকৈ খায়। কিন্তু গ্ৰীষ্মকালত প্ৰবল উত্তাপৰ বাবে বেছিভাগ পানীয়ে ঘামৰ
মাধ্যমেৰে শৰীৰৰ পৰা বাহিৰলৈ ওলাই যায়। ফলত শৰীৰত প্ৰয়োজনীয় পানী হ্ৰাস পায়। কিন্তু
ডিহাইড্ৰেচনৰ পৰা হাত সাৰিবলৈ শৰীৰত পৰ্যাপ্ত পৰিমাণৰ পানীৰ প্ৰয়োজন হয়। আনহাতে পানী
খোৱাৰ উপকাৰিতাৰ বিষয়ে সকলোৱে জানে, কিন্তু পুৱা খালী পেটত পানী খোৱা অভ্যাস স্বাস্থ্যৰ
বাবে কিমান উপকাৰী জানো আহক...।
পুৱা প্ৰথমে পানী খোৱাৰ উপকাৰিতা-
১. পানীলগাঃ-নিশা বহু ঘন্টা পানীৰ
পৰা আমি বিৰত থাকো। কিন্তু গৰমৰ দিনত শৰীৰৰ পৰা নিৰ্গত হোৱা ঘামৰ ফলত পানীৰ অভাৱ হ’ব
পাৰে, আনকি পানীলগা সমস্যাও হ’ব পাৰে। কিন্তু পুৱা খালী পেটত পানী খোৱা অভ্যাসে স্বাস্থ্যৰ
ক্ষেত্ৰত বহুতো সহায়ক হয়।
২. বৃক্কৰ পাথৰ প্ৰতিৰোধঃ-পুৱা
খালী পেটত পানী খোৱা অভ্যাসে বৃক্কত পাথৰ হোৱাৰ সম্ভাৱনা হ্ৰাস কৰাৰ উপৰি এচিডিটী আৰু
বৃক্কৰ পাথৰ হোৱাত প্ৰতিৰোধ কৰে।
৩. নিস্তেজ ছালৰ উজ্জ্বল কৰেঃ-যদি
আপোনাৰ ছালখনো নিস্তেজ হয়, তেন্তে পুৱা খালী পেটত পানী খোৱা অভ্যাস গঢ়ি তোলক। কাৰণ
ই ৰক্ত সঞ্চালন বৃদ্ধি কৰাৰ সমান্তৰালকৈ নতুন কোষৰ উৎপাদন বৃদ্ধি কৰি ছালখনক উজ্জ্বল
কৰি তুলিব পাৰে।
৪. প্ৰতিৰোধ ক্ষমতা বৃদ্ধিঃ-পুৱা
পানী খালে পেটৰ পৰা বিষাক্ত পদাৰ্থ বাহিৰলৈ ওলাই যোৱাত সহায় কৰে, যাৰ ফলত লসিকা তন্ত্ৰৰ
ভাৰসাম্য ৰক্ষা হয় আৰু সময়ৰ লগে লগে ৰোগ প্ৰতিৰোধ ক্ষমতা বৃদ্ধি হয়। বাৰে বাৰে অসুস্থ
হৈ পৰা সমস্যাৰ পৰাও ব্যক্তিজনক ৰক্ষা কৰিব পাৰে।
