সন্তানে আমনিদায়ক টিফিন বিদ্যালয়লৈ নিবলৈ বেয়া পায় নেকি?এইবিধ সুস্বাদু ব্যঞ্জন বনাওক সহজতে

ডিজিটেল ডেস্কঃ আপুনি আপোনাৰ সন্তানৰ খোৱা-বোৱাক লৈ চিন্তিত নেকি! সন্তানৰ বিদ্যালয়ৰ দৈনন্দিন টিফিনৰ বাবে লৈ আহিছোঁ এনে এটা ব্যঞ্জন যিবিধ ব্যঞ্জন খাই সন্তানে সোৱাদ আৰু পুষ্টি দুয়োটাই লাভ কৰিব৷

প্ৰথমে অলপ আটা  পৰঠাৰ বাবে লৈ লওঁক,তাৰ পৰা প্ৰস্তুত কৰক এটা মিশ্ৰণ৷ দুটা সৰু জোখৰ পিয়াঁজ লওঁক,লগতে আপোনাৰ সন্তানৰ অপচন্দ বা পচন্দৰ পাচলি সৰু সৰুকৈ কাটি লওঁক৷লগত অলপ পনীৰ বা কণী ভাজি লওঁক৷তাৰপৰা পৰঠাৰ ভিতৰত সেইখিনি ভৰাই পৰঠাখন ভাজি লওঁক৷

 এতিয়া পৰঠাখন দুটা ভাগত বিভক্ত কৰি সন্তানৰ টিফিনত দিয়ক।যদি আপুনি বিচাৰে তেন্তে পৰঠাখনত মাইঅ’নিজ, চিলি চ’চ অথবা ঘৰত নিৰ্মিত পদিনা, নৰসিংহ অথবা ধনীয়াৰ চাটনি সংযোগ কৰক৷তদুপৰি আপোনাৰ ওচৰত যদি আগদিনা ৰন্ধন কৰা শুকান হাড়বিহীন মাংস আছে তেন্ত সেই মাংসখিনিও আপুনি পৰঠাখনত সংযোগ কৰিব পাৰে৷