ডিজিটেল ডেস্ক
বুদ্ধিমত্তা তথা ইউ পি এছ চিত লাভ কৰা সাফল্যৰ উপৰিও টিনা ডাবিৰ সৈতে থকা সম্পৰ্কৰ বাবে জনপ্ৰিয় হৈ পৰিছিল আথাৰ আমিৰ খান৷ শেহতীয়াকৈ শ্ৰীনগৰ পৌৰ নিগমৰ আয়ুক্ত আই এ এছ আথাৰ আমিৰ খানক দ্বিতীয়বাৰৰ বাবে দেখা গ’ল দৰাৰ সাজত ৷
ড৹ মেহৰীন কাজীৰ সৈতে বিবাহপাশত আৱদ্ধ হয় টিনা ডাবিৰ প্ৰাক্তন স্বামী আথাৰ আমিৰ খান৷ আথাৰৰ কইনা মেহৰীন পেছাত এগৰাকী চিকিৎসক আৰু তেওঁ কাশ্মীৰৰ নিবাসী। আথাৰে বিবাহৰ এটা ভিডিঅ' ইনষ্টাগ্ৰাম একাউণ্টত শ্বেয়াৰ কৰি এই বিষয়ে সকলোকে জনাইছিল৷ ইয়াৰ আগতে, আথাৰে আঙঠি পিন্ধোৱা নিয়মৰ এটা ভিডিঅ' সামাজিক মাধ্যমত শ্বেয়াৰ কৰিছিল।
বিয়াৰদিনা পৰম্পৰাগত পোছাকত দেখা গ’ল আথাৰ আৰু মেহৰীনক ৷ আই এ এছ আথাৰ আমিৰ খানে বগা শ্বেৰৱানী পিন্ধিছিল আনহাতে মেহৰীনকো লেহেঙ্গা পৰিহিত মেহৰীনো কইনাৰ সাজত ধুনীয়া হৈ পৰিছিল৷ আই এ এছ আথাৰ আমিৰ খানৰ পত্নী ডঃ মেহৰীন কাজী চিকিৎসা ক্ষেত্ৰৰ লগতে ফেশ্বন উদ্যোগত সক্ৰিয়।
উল্লেখ্য যে , আথাৰ আমিৰ খানে পূৰ্বতে টিনা ডাবিৰ সৈতে বিবাহপাশত আৱদ্ধ হৈছিল৷ ধৰ্মীয় বাধা নেওচিও প্ৰেমক পূৰ্ণতা দিছিল দুয়ো বিষয়াই৷ অৱশ্যে দুয়োৰে সম্পৰ্ক কিছুদিন পিছতেই তিক্ত হৈ পৰিছিল৷ মাত্ৰ কেইমাহমান পূৰ্বে টিনা ডাবিও বিবাহপাশত আৱদ্ধ হৈছিল৷
Continue Reading
