ডিজিটেল ডেস্কঃগুলীৰ শব্দত আজি পুনৰ কঁপি উঠিল কাশ্মীৰ উপত্যকাত । জম্মু আৰু কাশ্মীৰৰ কুলগাম জিলাত নিৰাপত্তা বাহিনীয়ে বুধবাৰে দুজন সন্ত্ৰাসবাদীক গুলীয়াই হত্যা কৰে।লুকাই থকা বুলি সন্দেহ কৰা জিহাদীসকলক বিচাৰি উলিয়াবলৈ এতিয়াও অভিযান চলি আছে।
বুধবাৰে কাশ্মীৰ আৰক্ষী আৰু সেনাই কুলগামৰ কুজ্জাৰ অঞ্চলত জিহাদীৰ বিৰুদ্ধে তালাচী অভিযান আৰম্ভ কৰে।নিৰাপত্তা বাহিনীৰে এনকাউণ্টাৰটোত দুজন উগ্ৰপন্থী নিহত হৈছিল। জেহাদীসকলৰ মৃতদেহ ইতিমধ্যে ঘটনাস্থলীৰ পৰা উদ্ধাৰ কৰা হৈছে। অঞ্চলটোত এতিয়াও তালাচী অভিযান চলি আছে বুলি কাশ্মীৰ আৰক্ষীয়ে প্ৰকাশ কৰিছে।
সেনা, কাশ্মীৰ আৰক্ষী আৰু চিআৰপিএফৰ এটা সন্মিলিত দলে সোমবাৰে সন্ধিয়া কাশ্মীৰৰ ৰাজৌৰী অঞ্চলৰ কালাকোটৰ জংঘলত সন্ত্ৰাসবাদীৰ বিৰুদ্ধে অভিযান আৰম্ভ কৰিছিল। ১ অক্টোবৰত চোৰাংচোৱা সূত্ৰই অঞ্চলটোত কেইবাজনো সন্দেহজনক লোকৰ উপস্থিতিৰ কথা প্ৰকাশ কৰাৰ পিছতে অভিযান আৰম্ভ হৈছিল।
যোৱা সপ্তাহত, সেনা আৰু কাশ্মীৰ আৰক্ষীয়ে জম্মু আৰু কাশ্মীৰৰ পৰা চাৰিজন সন্দেহযুক্ত সন্ত্ৰাসবাদীক গ্ৰেপ্তাৰ কৰিছিল। যুটীয়া বাহিনী আৰু চোৰাংচোৱা সংস্থাৰ যুটীয়া অভিযানৰ সময়ত সন্ত্ৰাসবাদী কেইজনৰ পৰা তিনিটা পিষ্টল উদ্ধাৰ কৰিছিল। কিছুদিন পূৰ্বে কুলগামৰ পৰা পাঁচজন লস্কৰ-ই-তৈবা (এল ই টি) সন্ত্ৰাসবাদীক গ্ৰেপ্তাৰ কৰা হৈছিল। জম্মু-কাশ্মীৰৰ অনন্তনাগত সেনাই আৰক্ষীৰে যুটীয়া অভিযান চলাই লস্কৰৰ কমাণ্ডাৰ উজাৰ খানকো হত্যা কৰিছিল।
Continue Reading
