পুনৰবাৰ হনিমুনত গ’ল নেকি বৰষা-ভাস্কৰ? অন্তৰংগ মুহূৰ্তৰ ফটো শ্বেয়াৰ ছ’চিয়েল মিডিয়াত

ডিজিটেল ডেস্ক: ‘…..cos it’s December/ ❄️☃️????/ ???? @bhaskar__boruah’ - এটি কেপশ্যন আৰু মুহূৰ্ততে অনুৰাগীৰ কমেণ্টৰ হেটাওপৰা৷ স্বামী ভাস্কৰৰ এটা ক্লিক আৰু মুহূৰ্ততে ভাইৰেল হয় এখনি ফটো ৷ আপুনি হয়টো বুজি উঠিছে কাৰ কথা ক’বলৈ বিচাৰিছো৷

নিজৰ সৌন্দৰ্য আৰু লয়লাসেৰে অনুৰাগীৰ মন জয় কৰা মোহময়ী অভিনেত্ৰী বৰষাৰাণী এতিয়া ব্যস্ত স্বামী ভাস্কৰ বৰুৱাৰ সৈতে৷ দুয়োৱে একেলগে কটাইছে অন্তৰংগ সময়৷ জাৰ কালৰ শীতৰ আমেজ ল’বলৈ অসমীয়া চিনেমাৰ মোহময়ী অভিনেত্ৰীগৰাকী উৰা মাৰিছিল দেশৰ ৰাজধানী দিল্লীলৈ৷ ছ’চিয়েল মিডিয়াত অত্যন্ত সক্ৰিয় জনপ্ৰিয় অভিনেত্ৰীগৰাকী৷ শেহতীয়াকৈ ১৬ ডিচেম্বৰতে শ্বেয়াৰ কৰা এখন বিশেষ ফটোৱে দৃষ্টি আকৰ্ষণ কৰিবলৈ সক্ষম হয় অনুৰাগীৰ৷ প্ৰেমৰ চিন তাজমহলৰ সন্মুখত ভাস্কৰৰ কঁপালত চুমা আঁকি বৰষাই নিৱেদন কৰিছিল অফুৰন্ত ভালপোৱাৰ কথা৷ উল্লেখ্য যে, কিছুমাহৰ পূৰ্বে বৰষা বিবাহপাশত আবদ্ধ হৈছিল যোৰহাটৰ ভাস্কৰ বৰুৱাৰ সৈতে৷

প্ৰথমে ইষ্ট্ৰাগামত চিনাকি, তাৰপাছত লাহে লাহে আগবাঢ়ে দুয়োৰে সম্পৰ্ক৷ পাছলৈ নেদেখিলে, কথা নাপাতিলে থাকিব নোৱাৰা হৈছিল ভাস্কৰ-বৰষা৷ এই ভালপোৱাক সাক্ষী কৰি শিৰত সেন্দুৰ পিন্ধাইছিল ভাস্কৰে৷ তাৰপাছতে দুয়োৰে মাজৰ ৰোমাঞ্চকৰ কিছু মুহূৰ্ত ছ’চিয়েল মিডিয়াত মাজে-সময়ে শ্বেয়াৰো কৰে বৰষাই৷

লগতে ভাস্কৰে উঠোৱা ফটো যেন প্ৰিয় তেওঁৰ বাবে৷ কেপশ্যন ভাস্কৰ, ফটোত বৰষা- এতিয়া যেন ছ’চিয়েল মিডিয়াৰ এটা ট্ৰেণ্ড৷ ভাস্কৰে উঠোৱা ফটো শ্বেয়াৰ কৰে বৰষাই৷ মাত্ৰ এঘণ্টাতেই বৰষাৰ ফটোত আহে হাজাৰ-হাজাৰ লাইক, কমেণ্ট, শ্বেয়াৰ৷ ভাস্কৰ-বৰষাৰ ফটোৱে আপ্লুত কৰি তোলে অনুৰাগীসকলক৷