ডিজিটেল ডেস্কঃ মহাৰাষ্ট্ৰৰ পুনেৰ গংগাধাম চক অঞ্চলৰ ওচৰত সংঘটিত হৈছে ভয়ংকৰ অগ্নিকাণ্ড । দেওবাৰে পুৱা এলেকাটোৰ এটা গুদামত জুই লাগিছিল। জুই পিছত ওচৰৰ আন কেইবাটাও গুদামলৈ বিয়পি পৰিছে। এতিয়ালৈকে প্ৰায় ২০ ৰ পৰা ২৫ টা গুদাম ভস্মীভূত হৈছে।
জুইত কোনো লোক হতাহত হোৱাৰ খবৰ পোৱা হোৱা নাই।অগ্নিনিৰ্বাপক বাহিনীৰ ২২ খন গাড়ীয়ে জুই নুমুৱাবলৈ চেষ্টা চলাই আছে। অগ্নি নিৰ্বাপক বাহিনীৰ বিষয়াসকলে জনোৱা অনুসৰি দেওবাৰে পুৱা প্ৰায় ৯ বজাত অঞ্চলটোৰ এটা গুদামত প্ৰথমটো অগ্নিকাণ্ড সংঘটিত হয়। ই পিছত আন ঠাইলৈ বিয়পি পৰে। অগ্নিকাণ্ডৰ কাৰণ এতিয়াও জানিব পৰা হোৱা নাই।
বিস্কুট, চিমেণ্ট, বৈদ্যুতিক সঁজুলি, আচবাবৰ গুদামত জুই লাগিছে বুলি জানিব পৰা গৈছে। অগ্নিকাণ্ডৰ ফলত ৱেৰহাউচবোৰ বেয়াকৈ ক্ষতিগ্ৰস্ত হৈছে। জুইলগাৰ পিছতে ওচৰৰ বাসিন্দাসকলক সুৰক্ষিত স্থানলৈ স্থানান্তৰ কৰা হৈছে।
Continue Reading
