ডিজিটেল ডেস্কঃ উত্তৰ দিল্লীৰ কাশ্মীৰ গেট এলেকাত সোমবাৰে পুৱা এখন তীব্ৰবেগী এছ ইউ ভি গাড়ীয়ে খুন্দা মৰাৰ ফলত কংগ্ৰেছৰ প্ৰাক্তন বিধায়ক ৰাজেশ লিলোথিয়াৰ পত্নী মধু লিলোথিয়াৰ মৃত্যু হয়।দুৰ্ঘটনাটোৰ তথ্য লাভ কৰাৰ লগে লগে আৰক্ষীৰ এটা দলে সেই স্থানত উপস্থিত হৈ এখন বলেনো গাড়ী ক্ষতিগ্ৰস্ত অৱস্থাত উদ্ধাৰ কৰে। দুৰ্ঘটনা সংঘটিত হোৱাৰ পিছত অভিযুক্ত চালকজনে পলায়ন কৰাৰ বিপৰীতে ততাতৈয়াকৈ দুৰ্ঘটনাত পতিতকেইজনক এম্বুলেন্সেৰে ট্ৰমা চেণ্টাৰলৈ লৈ যায়।
ডিচিপি নৰ্থৰ সাগৰ সিং কালচিয়ে ৰাষ্ট্ৰীয় সংবাদ মাধ্যমক জনোৱা মতে, পুৱা ৬.০৩ বজাত মধু লিলোথিয়াক চিকিৎসালয়ত মৃত ঘোষণা কৰা হয়।ভাৰতীয় দণ্ডবিধিৰ ২৭৯ (তীব্ৰ গাড়ী চলোৱা বা ৰাজহুৱা পথত গাড়ীচালনা) আৰু ৩০৪ A ( চালকৰ গাফিলতিৰ ফলত মৃত্যু হোৱা) ধাৰাত কাশ্মীৰ গেট থানাত গোচৰ ৰুজু কৰি তদন্ত আৰম্ভ কৰা বুলি জানিবলৈ দিয়ে৷ইতিমধ্যে চিচিটিভি ফুটেজৰ সহায়ত অভিযুক্ত চালকজনক আৰক্ষীয়ে গ্ৰেপ্তাৰ কৰিছে৷
Continue Reading
