‘পুষ্পা’তে নহয় বাস্তৱতে ধনৱান আল্লু অৰ্জুন , ধনাগাৰত কিমান টকা আছে এইগৰাকী ষ্টাইলিছ ষ্টাৰৰ ?

ডিজিটেল ডেস্কঃ জনপ্ৰিয়তাৰ এটা নতুন চূড়া স্পৰ্শ কৰিছে অন্যতম জনপ্ৰিয় তাৰকা আল্লু অৰ্জুন। ভাৰতৰ এইগৰাকী তেলেগু নায়কে এতিয়া আন্তঃৰাষ্ট্ৰীয় ক্ষেত্ৰতো বেচ সমাদৰ লাভ কৰিবলৈ সক্ষম হৈছে। পৃথিৱীৰ চুকে-কোণে এতিয়া নাম ৰৈ বৈ গৈছে এইগৰাকী ছুপাৰষ্টাৰৰ অভিনয়। শেহতীয়াকৈ, মুক্তি লাভ কৰা তেওঁৰ অভিনীত ‘পুষ্পা’ নামৰ ছবিখনে বক্স অফিছত ব্যাপক সমাদৰ লাভ কৰিছে। ছবিখনে ইতিমধ্যে ৩০০ কোটিতকৈ অধিক উপাৰ্জন কৰিছে। ভাৰতৰ দাক্ষিণাত্যত আল্লু অৰ্জুন ৰ জনপ্ৰিয়তা কিমান তাক দোহৰাৰ কোনো প্ৰয়োজন নাই নিশ্চয়। আল্লু অভিনীত সৰহসংখ্য ছবিয়েই দেখিছে সফলতাৰ মুখ। ফলস্বৰূপে, তেওঁ বিপুল অৰ্থ-সম্পদৰো গৰাকী। মনকৰিবলগীয়া যে, ভাৰতীয় তাৰকাসকলৰ ভিতৰত এইগৰাকী তাৰকা অভিনেতাৰে আটাইতকৈ ব্যয়বহুল ঘৰ এটা আছে। যিটো ঘৰৰ নাম ৰাখিছে 'ব্লেছিং' অৰ্থাৎ আশীবাৰ্দ। হায়দৰাবাদ স্থিত এই ঘৰটোৰ মূল্য ১০০ কোটিতকৈ অধিক। পত্নী আৰু দুই সন্তানৰ সৈতে এই বাসগৃহতে থাকে আল্লু অৰ্জুনে। স্মৰ্তব্য যে, ষ্টাইলীছ ষ্টাৰগৰাকী এখন বিলাসী ভেনিটি ভেনৰ মালিক। গাড়ীখনৰ মূল্য ৭ কোটি।ভেনখনৰ ভিতৰৰ পৰা তোলা একাধিক ফটো ইনষ্টাগ্ৰামত আল্লু অৰ্জুন শ্বেয়াৰ কৰাও দেখা গৈছে। আল্লু অৰ্জুনৰ এখন ব্যক্তিগত বিমানো আছে বুলি জানিবলৈ পোৱা গৈছে।পৰিয়ালৰ সৈতে এইখন বিমানতে দেশ-বিদেশলৈ উৰা মাৰে অভিনেতাজনে। কেবল ভেনিটি ভেনেই নহয় আল্লু অৰ্জুনৰ আৰু কেইবাখনো বিলাসী গাড়ী আছে। ১.২ কোটি মূল্যৰ এখন বগা গাড়ীও আছে। এখন ক'লা ৰঙৰ গাড়ীও আছে যাৰ মূল্য প্ৰায় ৩ কোটি। উল্লেখ্য যে, তেলেগু চলচ্চিত্ৰৰ প্ৰভাৱশালী প্ৰযোজক আল্লু অৰবিন্দৰ পুত্ৰ আল্লু অৰ্জুন। ২০০৩ চনত মুক্তি পোৱা 'গঙ্গোত্ৰী' ছবিখনৰ জৰিয়তে আত্মপ্ৰকাশ কৰিছিল এইগৰাকী অভিনেতাই।মন কৰিবলগীয়া যে, ভাৰতৰ দাক্ষিণাত্যত সৰ্বাধিক উপাৰ্জন কৰা তাৰকাসকলৰ ভিতৰত অন্যতন এগৰাকী তাৰকা হৈছে আল্লু অৰ্জুন।