ডিজিটেল ডেস্কঃ লাডাখকলৈ ভাৰত আৰু চীনৰ মাজত উত্তেজনা অব্যাহত থকাৰ মাজতে আজি চীনৰ ৰাষ্ট্ৰপতি ঝি জিনপিঙে পূব লাডাখৰ ভাৰত-চীন সীমান্তত নিয়োজিত সৈনিকসকলৰ সৈতে ভিডিঅ' কথোপকথন কৰি যুদ্ধৰ প্ৰস্তুতিৰ বুজ লোৱা বুলি আন্তঃৰাষ্ট্ৰীয় সংবাদমাধ্যমে খবৰ প্ৰকাশ কৰিছে৷
চীনৰ চৰকাৰী সংবাদ মাধ্যমৰ বাতৰি অনুসৰি জিনপিঙে পিপলছ লিবাৰেচন আৰ্মীৰ (পিএলএ) মুখ্য কাৰ্যালয়ৰ পৰা জিনজিয়াং মিলিটাৰী কমাণ্ডৰ অধীনৰ খুঞ্জেৰাবৰ সীমান্তৰ প্ৰতিৰক্ষা পৰিস্থিতি সন্দৰ্ভত সৈন্যসকলক সম্বোধন কৰে। চীনৰ শাসনাধিষ্ঠ কমিউনিষ্ট পাৰ্টিৰ সাধাৰণ সম্পাদক আৰু পিএলএৰ কমাণ্ডাৰ-ইন-চীফ জিনপিঙে সৈন্যসকলককয় যে কেনেকৈ "শেহতীয়া বছৰবোৰত, অঞ্চলটোত নিৰন্তৰ পৰিৱৰ্তন হৈ আহিছে" ৷
চৰকাৰী মাধ্যমত দেখুওৱা ভিডিঅ' জিনপিঙে চীনৰ সৈন্যসকলৰ যুঁজৰ তৎপৰতা সন্দৰ্ভত খবৰ লয়। এজন সৈন্যই এইবুলি উত্তৰ দিয়ে যে তেওঁলোকে এতিয়া সীমান্তত ২৪ ঘণ্টা নিৰীক্ষণ কৰি আছে। চৰকাৰী সংবাদ মাধ্যমৰ খবৰ অনুসৰি ঝিয়ে সীমান্তৰক্ষীসকলক প্ৰশংসা কৰিছিল আৰু তেওঁলোকক তেওঁলোকৰ প্ৰচেষ্টা অব্যাহত ৰাখিবলৈ উৎসাহিত কৰিছিল।"
পূব লাডাখত ৫ মে, ২০২০ত ভাৰত আৰু চীনৰ সেনাৰ মাজত সংঘৰ্ষ হৈছিল৷ য’ত ২০ জন ভাৰতীয় সেনা নিহত হৈছিল৷ চীনৰ বহু সেনা হতা-হত হৈছিল৷ এই সংঘৰ্ষৰ পিছতে লাডাখকলৈ ভাৰত আৰু চীনৰ মাজত অচলাৱস্থাৰ সৃষ্টি হৈছিল। দুয়োপক্ষই পূব লাডাখৰ বিষয়টোকলৈ ১৭ লানি উচ্চ পৰ্যায়ৰ সামৰিক আলোচনা অনুষ্ঠিত কৰিছে৷
Continue Reading
