ডিজিটেল ডেস্কঃ হায়দৰাবাদৰ মন্দিৰৰ সমীপত ৩০ বছৰীয়া প্ৰেমিকাক হত্যা কৰাৰ এটা ঘটনা পোহৰলৈ আহিছে৷তেলেংগানাৰ সৰুনগৰৰ পঞ্জীয়ক কাৰ্যালয়ৰ পিছফালে থকা নলাত এগৰাকী মহিলাক হত্যা কৰি মৃতদেহ পেলাই দিয়াৰ অভিযোগত আয়াগৰী সাই কৃষ্ণ নামৰ এজন বিবাহিত পুৰোহিতৰ বিৰুদ্ধে গোচৰ ৰুজু কৰা হৈছে।
এই ঘটনা পোহৰলৈ আহে তেতিয়া যেতিয়া সাই কৃষ্ণই নিজেই প্ৰেমিকা নিৰুদ্দেশৰ এজাহাৰ দাখিল কৰিবলৈ আৰক্ষীৰ কাষলৈ যায় আৰু আৰক্ষীৰ আগত কুৰুগন্তী অপ্সৰা নামৰ মহিলাগৰাকীক ভদ্ৰাচলমলৈ যোৱাৰ বাবে শমশাবাদ বাছ ষ্টেণ্ডত নমাই দিয়ে। তেওঁ আৰু কয় যে তাৰ পিছৰ পৰা কোনো ধৰণৰ ফোনত সঁহাৰি পোৱা নাই আৰু ৩ মে’ৰ পৰা নিৰুদ্দেশ হৈ আছে।
পৰৱৰ্তী সময়ত সোধা-পোছৰ সময়ত সাই কৃষ্ণই অপৰাধ স্বীকাৰ কৰি অপ্সৰাক হত্যা কৰা বুলি প্ৰকাশ কৰে।আৰক্ষীৰ মতে, ইতিমধ্যে সাই কৃষ্ণৰ বিবাহিত আছিল আৰু তেওঁৰ দুজন সন্তানো আছিল। অৱশ্যে অপ্সৰাৰ পূজাৰীজনৰ সৈতে বিবাহ বহিৰ্ভূত প্ৰেমৰ সম্পৰ্ক আছিল।
সাই কৃষ্ণৰ স্বীকাৰোক্তি অনুসৰি অপ্সৰাই তেওঁক বিয়া কৰাবলৈ হেঁচা দি আহিছিল।সেয়ে সাই কৃষ্ণই তেওঁক হত্যাৰ আশ্ৰয় লয়।আৰক্ষীৰ মতে, অভিযুক্তই শামছাবাদত অপছৰাক হত্যা কৰি তাৰ পিছত মৃতদেহটো প্লাষ্টিকৰ কভাৰত পেক কৰি সৰুনগৰলৈ লৈ যায়। তেওঁ মৃতদেহটো এম আৰ অ’ অফিচৰ পিছফালে থকা মেনহ’লত পেলাই দিলে, যিটো মন্দিৰৰ ওচৰতে তেওঁ পুৰোহিত হিচাপে কাম কৰিছিল।
বৰ্তমান আৰক্ষীয়ে সাই কৃষ্ণৰ বিৰুদ্ধে গোচৰ ৰুজু কৰি গোচৰটোৰ অধিক তদন্ত চলাই আছে বুলি জানিব পৰা গৈছে৷
Continue Reading
