ডিজিটেল ডেস্কঃ দেশত এতিয়াও নতুন চৰকাৰ হোৱা নাই৷ এনে সময়তে বিত্ত মন্ত্ৰী নিৰ্মলা সীতাৰমণে শুকুৰবাৰে কয় যে বিজেপি নিশ্চিত যে প্ৰধানমন্ত্ৰী নৰেন্দ্ৰ মোদীয়ে "বিপুল সংখ্যাগৰিষ্ঠতা লৈ পুনৰ উভতি আহিব" আৰু নতুন চৰকাৰ গঠন হোৱাৰ লগে লগে ২০২৪-২৫ বৰ্ষৰ পূৰ্ণ বাজেটকলৈ আলোচনা আৰম্ভ হ'ব।'এপেক্স বিজনেছ চেম্বাৰ' চিআইআইৰ বাৰ্ষিক অনুষ্ঠানত ভাষণ দি বিত্ত মন্ত্ৰীগাকীয়ে কয় যে ভাৰতে বিশ্বৰ দ্ৰুততম বিকাশশীল অৰ্থনীতি হিচাপে আত্মপ্ৰকাশ কৰিছে আৰু অহা কেইবছৰমানৰ ভিতৰত দ্ৰুতগতিত বিকশিত অৰ্থনীতি হৈ থাকিব। তেওঁ লগতে কয় যে আন্তঃৰাষ্ট্ৰীয় মুদ্ৰা নিধিয়ে আশা কৰিছে যে ভাৰতে অহা পাঁচ বছৰত বিশ্বৰ জিডিপিৰ ১৮ শতাংশলৈকে অৱদান আগবঢ়াব ৷
বিত্ত মন্ত্ৰীগৰাকীয়ে কয় যে এই উচ্চ অৰ্থনৈতিক বিকাশৰ মূল কাৰণ হৈছে দুৰ্নীতিমুক্তভাবে চৰকাৰী নীতিৰ স্থিৰতা বৰ্তাই ৰখা৷ তেওঁ লগতে আলোকপাত কৰে যে চৰকাৰৰ পিএলআই আঁচনিৰ ফলত স্মাৰ্টফোন ইলেক্ট্ৰনিক্স খণ্ডৰ পৰিৱৰ্তন ঘটিছে৷ তেওঁ কয় "যদিও ২০১৪ চনত মোবাইল ফোনৰ বাবে আমদানি নিৰ্ভৰশীলতা ৭৮ শতাংশৰ সমান আছিল, আজি ভাৰতত সকলো মোবাইল ফোনৰ ৯৯ শতাংশ ই নিৰ্মাণ কৰা হয়," ৷
বিত্ত মন্ত্ৰীগৰাকীয়ে কয় যে নতুন চৰকাৰে দায়িত্ব লোৱাৰ লগে লগে অৰ্থনৈতিক বিকাশত গুৰুত্ব দিয়াৰ বাবে সম্পূৰ্ণ বাজেটৰ প্ৰস্তুতি গ্ৰহণ কৰা হ'ব।
তেওঁ কয় যে চৰকাৰে ব্যক্তিগত খণ্ডৰ বাবে এক ডাঙৰ সুযোগ দেখিছে৷ আগন্তুক বিকাশৰ সম্ভাৱনাৰ বিষয়ত আলোকপাত কৰি বিত্ত মন্ত্ৰীগৰাকীয়ে কয় যে ২০৩১ চনৰ ভিতৰত ভাৰতীয় উপভোক্তা বজাৰ দুগুণ হ'ব৷
Continue Reading
