ডিজিটেল ডেস্কঃ নাৰী-পুৰুষৰ পছন্দ বহু ক্ষেত্ৰত বেলেগ বেলেগ৷ নাৰীয়ে যিবোৰ কথা ভালপায় পুৰুষে নাপাবও পাৰে, আনহাতে নাৰীৰ ক্ষেত্ৰতো ওলোটা কথাটো হ’ব পাৰে৷ চাণক্য প্ৰাচীন ভাৰতৰ এজন মহান পণ্ডিত, অৰ্থনীতিবিদ, কূটনীতিবিদ আৰু দাৰ্শনিক আছিল। তেওঁৰ পৰামৰ্শবোৰ আজিও আমাৰ জীৱনত সমানে প্ৰাসংগিক হৈ আছে । চাণক্যই পুৰুষ আৰু মহিলাৰ মাজৰ সম্পৰ্কৰ বিষয়েও যথেষ্ট পৰামৰ্শ দিছে। কেনে পুৰুষে মহিলাসকল সহজে আকৰ্ষিত কৰিব পাৰে সেই বিষয়েও
চাণক্য নীতিয়ে আমাৰ জীৱনৰ বিভিন্ন দিশৰ ওপৰত গুৰুত্বপূৰ্ণ আলোকপাত কৰে। মহামতী চাণক্যই জীৱনৰ বিভিন্ন ক্ষেত্ৰত আমি কি কৰা উচিত আৰু কি কৰা উচিত নহয় সেই বিষয়ে স্পষ্ট পৰামৰ্শ দিছে। চাণক্য নীতি নামৰ কিতাপখনত তেওঁ জীৱনৰ বিভিন্ন দিশৰ বিষয়ে আলোচনা কৰিছে। পুৰুষ আৰু মহিলাৰ মাজৰ সম্পৰ্কৰ বিষয়ে তেওঁ কি কৈছিল সেয়া জানো আহক৷
এজন ব্যক্তিৰ চৰিত্ৰ তেওঁৰ আচৰণ আৰু কথাৰ পৰা জানিব পাৰি। প্ৰতিগৰাকী মহিলাই তেওঁৰ জীৱনত এনে এজন পুৰুষ বিচাৰে যাৰ ভিতৰত বহুতো গুণ থাকে । চাণক্যই কৈছে যে মহিলাসকলে সদায় পুৰুষৰ ক্ষেত্ৰত কিছুমান গুণ বিচাৰে। এজন আদৰ্শ পুৰুষৰ কি গুণ থাকিব লাগে আৰু মহিলাসকলে তেওঁৰ প্ৰিয় পুৰুষৰ কি গুণ থকাটো বিচাৰে? এই বিষয়ে চাণক্যই কি কৈছে জানি লওক।
সততা
চাণক্যই কৈছে যে ব্যক্তিজন তেওঁৰ আচৰণ আৰু কৰ্মৰ ক্ষেত্ৰত যদি সৎ নহয়, তেন্তে মহিলাই তেওঁৰ প্ৰতি আকৰ্ষিত নহয়। কাৰণ যিকোনো সম্পৰ্কৰ মূল ভেটি হৈছে সততা। এনে এক সম্পৰ্ক য’ত সততা নাই , ইজনে সিজনৰ প্ৰতি সন্মান নাই, সেই সম্পৰ্ক কেতিয়াও সুখী আৰু স্থায়ী হ'ব নোৱাৰে। সৎ মানুহজনে কেতিয়াও তেওঁৰ পত্নী বা প্ৰেমিকাক প্ৰতাৰণা নকৰে। গতিকে মহিলাসকল সহজে সৎ পুৰুষৰ প্ৰতি আকৰ্ষিত হয়। আৰু এই আকৰ্ষণ কেতিয়াও ম্লান নহয়।
সুন্দৰ ব্যৱহাৰ
সকলো মহিলাই পুৰুষৰ সুন্দৰ আচৰণ পছন্দ কৰে। যিজন ব্যক্তিৰ আচৰণ মধুৰ , তেওঁ মনো ধুনীয়া হয়। গতিকে মহিলাসকল নম্ৰ পুৰুষসকলৰ প্ৰতি আকৰ্ষিত হয়। তেওঁলোকে তেওঁলোকৰ সুন্দৰ শব্দৰে মহিলাসকলৰ হৃদয় সহজে জিনিব পাৰে। আনহাতে, যিকোনো মহিলাই খহটা বাক্য ব্যৱহাৰ কৰা পুৰুষসকলৰ পৰা আঁতৰি থাকিব বিচাৰে।
এজন ভাল শ্ৰোতা
আমি সকলোৱে নিজৰ বিষয়ে কথা পাতিবলৈ ভালপাওঁ। কিন্তু কিমানজনে আনৰ কথা শুনে? গতিকে সকলো মহিলাই এজন ভাল শ্ৰোতা হ’ব পৰা পুৰুষক ভালপায়। মহিলাসকলে এনে এজন ব্যক্তি বিচাৰে যিয়ে তেওঁলোকৰ মনৰ কথা শুনিব। সেয়েহে, মহিলাসকলৰ হৃদয় জয় কৰিবলৈ, পুৰুষে কেৱল নিজৰ বিষয়ে কথা পাতিব নালাগে, আনৰ কথাও ধৈৰ্য্যসহকাৰে শুনিব লাগিব।
ভুল কৰি ক্ষমা বিচাৰিব পৰাৰ ক্ষমতা
কম- বেছি পৰিমাণে আমি সকলোৱে ভুল কৰোঁ। কিন্তু তেওঁ হৈছে আদৰ্শ ব্যক্তি যিয়ে তেওঁৰ ভুলৰ বাবে ক্ষমা বিচাৰিব পাৰে। আমাৰ মাজৰ বহুতে ভুল কৰিলেও আনকি অহংকাৰৰ বাবে ক্ষমতা বিচাৰিবলৈ দ্বিধা বোধ কৰে । মহিলাসকল সহজে এনে এজন পুৰুষৰ প্ৰতি আকৰ্ষিত হয় যিয়ে তেওঁৰ ভুলৰ বাবে ক্ষমা বিচাৰিবলৈ কুণ্ঠাবোধ নকৰে।
Continue Reading
