ডিজিটেল ডেস্কঃ মানুহক সাৱটি ধৰি লাখ লাখ টকা উপাৰ্জন কৰিছে এগৰাকী মহিলাই। মহিলাগৰাকীয়ে কয় যে তেওঁ কোনো ব্যক্তিকে তেওঁক অনুপযুক্তভাৱে স্পৰ্শ কৰিবলৈ নিদিয়ে। ৪৩ বছৰীয়া মিছি ৰবিনছন অষ্ট্ৰেলিয়াৰ লেব্ৰাডৰ (কুইন্সলেণ্ড)ত থাকে। তেওঁ এজন মানসিক স্বাস্থ্য কৰ্মী। শেহতীয়াকৈ তেওঁ অষ্ট্ৰেলিয়াত কাডল থেৰাপি (টাচ থেৰাপি)ৰ অনুজ্ঞাপত্ৰ লাভ কৰিছে। এই থেৰাপিৰ বিশেষ প্ৰজেক্টৰ বাবে মিছিয়ে ১.৫ লাখ টকা পৰ্যন্ত লয়।
মিছিয়ে কয় যে আমি সকলোৱে জানো যে যেতিয়া কোনোবাই আমাক আঘাত কৰে বা আমাৰ লগত ভুল কৰে তেতিয়া আমি আমাৰ মাক-দেউতাক সাৱটি ধৰিব বিচাৰো। অক্সিট’চিন হৰম’নৰ বাবে এনে কৰিলে ব্যক্তিজনে ভাল অনুভৱ কৰে। মিছিয়ে কয় যে জীয়াই থাকিবলৈ শাৰীৰিক স্পৰ্শ অতি প্ৰয়োজনীয়। শাৰীৰিক স্পৰ্শত অক্সিট’চিন হৰম’ন নিঃসৰিত হয়। মোৰ সেৱাই ভগ্ন হৃদয়ৰ মানুহক উদ্ধাৰ কৰাৰ কাম কৰে।
মিছিয়ে লগতে কয় যে তেওঁৰ বেছিভাগ ক্লায়েণ্টেই পুৰুষ। কিন্তু এই থেৰাপীৰ সময়ত কোনো পুৰুষে তেওঁৰ পৰা যৌন কাৰ্যকলাপৰ দাবী কৰিব নোৱাৰে। ইয়াৰ বাবে ক্লায়েণ্টে চুক্তিখনত স্বাক্ষৰ কৰে, য’ত স্পষ্টকৈ লিখা আছে যে যিখিনি স্পৰ্শ কৰা হ’ব, সেয়া অযৌনমূলক হ’ব। মিছিৰ এটা ৱেবচাইটো আছে, য’ত মানুহে তেওঁক এই থেৰাপীৰ বিষয়ে অনবৰতে প্ৰশ্ন কৰে আৰু তেওঁ উত্তৰ দিয়ে।
এই থেৰাপীৰ এঘণ্টাৰ চাৰ্জ প্ৰায় ১২০০০ টকা। মিছিৰ ক্লায়েণ্টৰ বয়স ২০ৰ পৰা ৫০ বছৰৰ ভিতৰত। শেহতীয়াকৈ এগৰাকী মহিলাই ব্ৰেকআপৰ পিছত তেওঁক ফোন কৰিছিল। এই মহিলাগৰাকীয়ে মিছিক কান্দি কান্দি ক’লে যে তেওঁৰ ওচৰত কোনো বন্ধু বা আত্মীয় নাই। ইয়াৰ পাছত মিছিয়ে পিছদিনা ভদ্ৰমহিলাগৰাকীৰ ওচৰলৈ গৈ থেৰাপি সেৱা দিলে।
মিছিয়ে অষ্ট্ৰেলিয়াৰ সেনাবাহিনীত কাৰ্যনিৰ্বাহ কৰিছিল। সেনাবাহিনী এৰি অহাৰ পাছত তেওঁ পোষ্ট ট্ৰমেটিক ষ্ট্ৰেছ ডিছঅৰ্ডাৰ আৰু উদ্বেগতো ভুগিছিল। ইয়াৰ পিছত মিছিয়ে এটা পি আৰ এজেন্সী আৰম্ভ কৰে। পিছলৈ মিছিয়ে মানসিক স্বাস্থ্য সংস্থা SANE ত যোগদান কৰে। মিছিয়ে বিশ্বাস কৰে যে ‘পৰম্পৰাগত মনোবিজ্ঞান’তকৈ কাডল থেৰাপী ভাল।
Continue Reading
