ডিজিটেল ডেস্কঃ নাগ অশ্বিনৰ ছবি ‘কলকী ২৮৯৮ খ্ৰীষ্টাব্দ’ এই সপ্তাহতে মুক্তি পাব। ছবিখনত অভিনয় কৰিছে অমিতাভ বচ্চন, কমল হাছান, প্ৰভাস, দীপিকা পাডুকনকে ধৰি বহু তাৰকা। কিন্তু, ছবিখন মুক্তি পোৱাৰ পূৰ্বে বিগ বিয়ে হঠাতে প্ৰভাসৰ অনুৰাগীৰ ওচৰত ক্ষমা বিচাৰিলে।
শেহতীয়াকৈ এই ছবিখনৰ অভিনেতাসকলে প্ৰচাৰৰ উদ্দেশ্যে আয়োজন কৰা এক আলোচনাত অংশ লৈছিল। তাতেই অমিতাভে ছবিখনৰ আৰম্ভণিতে সংঘটিত হোৱা বিভিন্ন ঘটনাৰ ওপৰত পোহৰ পেলায়। বিগ বিয়ে কয়, "যেতিয়া নাগে মোৰ ওচৰলৈ প্ৰস্তাৱ লৈ আহিছিল, তেতিয়া তেওঁৰ হাতত মোৰ আৰু প্ৰভাসৰ চৰিত্ৰৰ স্কেচ আছিল।" ইয়াৰ লগতে অমিতাভে কয় যে ছবিখনত প্ৰভাসৰ সৈতে তেওঁৰ বহু একচন দৃশ্য আছে। তাত অমিতাভে প্ৰভাছক মাৰপিট কৰিছে।অমিতাভৰ ভাষাত "প্ৰভাছৰ অনুৰাগী সকলে মোক ক্ষমা কৰিব। হাত ভাঁজ কৰি ক্ষমা বিচাৰিছো। ছবিখনত মই যি কৰিলোঁ সেয়া দেখাৰ পিছত মোৰ ওপৰত খং নকৰিব।''"
এই ছবিখনত প্ৰভাছে ভৈৰৱৰ চৰিত্ৰত অভিনয় কৰিছিল। আনহাতে অমিতাভক অশ্বথামা হিচাপে দেখা যাব। প্ৰায় ৬০০ কোটি টকা ব্যয় সাপেক্ষে নিৰ্মাণ কৰা এই ছবিখনে দেশৰ সৰ্বাধিক ব্যয়বহুল ছবি হিচাপে পৰিগণিত হ’বলৈ গৈ আছে। এই ছবিখনে বক্স অফিচত নতুন নজিৰ গঢ়ি তুলিব পাৰে বুলিও উদ্যোগটোৰ এটা অংশই আশাবাদী।
Continue Reading
