ডিজিটেল ডেস্কঃ ৰাজস্থানৰ বুন্দী জিলাত বিতৰ্কিত মন্তব্য দিয়া মৌলানা মুফতি নদীম আৰু তেওঁৰ সহায়কক গ্ৰেপ্তাৰ কৰিছে আৰক্ষীয়ে। এই সময়ত কোটৱালী চৌহদত বিশাল আৰক্ষী বাহিনী মোতায়েন কৰা হয়। আনকি আৰক্ষীয়ে সংবাদ মাধ্যমকো প্ৰৱেশ কৰিবলৈ দিয়া নাছিল। নূপুৰ শৰ্মাৰ বিতৰ্কিত মন্তব্যক লৈ ৰাজস্থানত প্ৰতিবাদ হৈ আছে। বুন্দী জিলাত মুছলমান সমাজৰ লোকসকলে স্মাৰকপত্ৰ দিবলৈ কালেক্টৰেটত উপস্থিত হৈছিল। এই সময়ছোৱাতে মৌলানাই কিছু বিতৰ্কিত মন্তব্য কৰিছিল। মৌলানা মুফতি নদীমে বুন্দিত কালেক্টৰেটক লৈ বিতৰ্কিত বক্তব্য আগবঢ়ায়। বুণ্ডীৰ মৌলানা মুফতি নাদীমে কৈছিল যে যদি হজৰত মহম্মদৰ বিৰুদ্ধে কথা কোৱাসকলৰ বিৰুদ্ধে ব্যৱস্থা গ্ৰহণ কৰা নহয় তেন্তে মুছলমান সমাজে নিজেই তেওঁলোকৰ সৈতে মোকাবিলা কৰিব।
একে সময়তে মৌলানা নদীমে উপস্থিত ৰাইজক সম্বোধন কৰি কয় যে, “যিজনে পয়গম্বৰ বিৰুদ্ধে কথা ক’ব, তেওঁৰ চকু উলিয়াই অনা হ’ব, হাত দাঙিলে হাত ভঙা হ’ব আৰু আঙুলি উঠালে আঙুলি ভাঙি দিয়া হ'ব।” মৌলানাই এই বিতৰ্কিত বক্তব্য আগবঢ়াই বিপদত পৰে। কালেক্টৰেটত উপস্থিত হৈ ৰাজস্থান আৰক্ষীৰ সন্মুখতে তেওঁ এনেদৰে কৈছিল।
বুণ্ডীৰ মৌলানাই বিবৃতিটোত কৈছিল যে “যদি হজৰত মহম্মদৰ বিৰুদ্ধে দিয়া বক্তব্য আইনগতভাৱে শুদ্ধ হয়, তেন্তে আমিও এনে আইনৰ বিৰুদ্ধে যাম। হজৰত মহম্মদৰ বিৰুদ্ধে কোৱাসকলৰ বিৰুদ্ধে ব্যৱস্থা গ্ৰহণ কৰক, যদি নকৰে তেন্তে মুছলমানে ব্যৱস্থা গ্ৰহণ কৰিব।”
মৌলানা মুফতিয়ে লগতে কৈছিল যে “পয়গম্বৰৰ বিৰুদ্ধে কোৱাসকলৰ বিৰুদ্ধে ব্যৱস্থা গ্ৰহণ নকৰিলে আমি সদায় প্ৰতিক্ৰিয়া প্ৰকাশ কৰি যাম। এইটো কোনো অনুৰোধ নহয়, ই এটা মুকলি সতৰ্কবাণী।”
উল্লেখ্য যে এগৰাকী মৌলানাৰ মুখত এনেকুৱা হিংসাত্মক কথা শুনি সকলো স্তম্ভিত হৈ পৰিছিল। অৱশেষত তেওঁক আৰক্ষীয়ে গ্ৰেপ্তাৰ কৰি নিজৰ জিম্মাত ৰাখি জেৰা অব্যাহত ৰাখিছে।
Continue Reading
