প্ৰযুক্তিগত সংশোধন: Paytmক নতুন গ্ৰাহক অন্তৰ্ভুক্তিত নিষেধাজ্ঞা ৰিজাৰ্ভ বেংক অব ইণ্ডিয়াৰ

ডিজিটেল ডেস্ক: ৰিজাৰ্ভ বেংক অব্ ইণ্ডিয়াই পেটিএম পেমেণ্ট বেংকক নতুন গ্ৰাহক অন্তৰ্ভুক্তিৰ ক্ষেত্ৰত নিষেধাজ্ঞা আৰোপ কৰিছে৷ ভাৰতীয় ৰিজাৰ্ভ বেংকে পেটিএম পেমেণ্ট বেংকত শেহতীয়াকৈ লক্ষ্য কৰা উদ্বেগৰ বিষয়ে উল্লেখ কৰি তাৎক্ষণিকভাৱে নতুন গ্ৰাহক অন্তৰ্ভুক্তি বন্ধ কৰিবলৈ নিৰ্দেশ দিছে। ভাৰতীয় ৰিজাৰ্ভ বেংকৰ এক বিবৃতিযোগে পেটিএমক তথ্য-প্ৰযুক্তি প্ৰণালীৰ এক ব্যাপক নিৰীক্ষণ কৰাৰ বাবে এখন নিৰীক্ষণ আয়োগ গঠন কৰিবলৈও কৰিবলৈও নিৰ্দেশ দিয়া হৈছে। এক প্ৰেছ বিজ্ঞপ্তিত কোৱা হৈছে, আৰবিআই-য়ে আজি আৰবিআইৰ ক্ষমতা প্ৰয়োগ কৰি, অন্যান্য বিষয়ৰ সৈতে, বেংকিং নিয়ন্ত্ৰণ আইন, ১৯৪৯ৰ ধাৰা ৩৫এ-ৰ অধীনত, পেটিএম পেমেণ্টছ বেংক লিমিটেডক নতুন গ্ৰাহকৰ অন্তৰ্ভুক্তি তৎক্ষণাৎ বন্ধ কৰিবলৈ নিৰ্দেশ দিছে। আনহাতে, ‘অনবৰ্ডিং আইটি অডিটৰ’ৰ প্ৰতিবেদন পৰ্যালোচনা কৰাৰ পাছত আৰবিআইয়ে প্ৰদান কৰিবলগা নিৰ্দিষ্ট অনুমতি সাপেক্ষেহে পেটিএম পেমেণ্ট বেংক লিমিটেডৰ দ্বাৰা নতুন গ্ৰাহকৰ অন্তৰ্ভুক্তিৰ অনুমতি দিয়া হ’ব বুলি জানিব পৰা গৈছে৷