--°C
Loading...
Listen to Article
2 min read
80%
ডিজিটেল ডেস্কঃ সোমবাৰে দিল্লী আৰক্ষীৰ ইন্টেলিজেন্স ফিউজন এণ্ড ষ্ট্ৰেটেজিক অ’পাৰেশ্যন (IFSO)য়ে অভিযান চলাই দেশজুৰি প্ৰায় ২০০০ লোকক তাৎক্ষণিক ঋণ দিয়াৰ নামত প্ৰতাৰণা কৰা এটা ধন সৰকোৱা চক্ৰ উৎখাত কৰিছে। দেশৰ বিভিন্ন প্ৰান্তৰ পৰা চক্ৰটো চলাই থকা ইয়াৰ ৬ জন সদস্যকো গ্ৰেপ্তাৰ কৰা হৈছে বুলি আৰক্ষীয়ে জানিবলৈ দিয়ে।

তেওঁলোকে ভুৱা কোম্পানী পঞ্জীয়ন কৰি বেংক একাউণ্ট খুলিছিল। এই একাউণ্টত প্ৰায় ৩৫০ কোটি টকাৰ ধন প্ৰচলন হোৱা বুলিও তেওঁলোকে জানিবলৈ দিয়াৰ কথা সদৰী কৰা হৈছে।

গ্ৰেপ্তাৰ হোৱা কেইজনক গুজৰাটৰ বাসিন্দা মুস্তাজাব গুলাম মহম্মদ নভিৱালা (৩২), অনিছভাই আশ্ৰফভাই ভিঞ্চি (৫১), পশ্চিম বংগৰ বাসিন্দা গোকুল বিশ্বাস (৫৩), অশোক (৩৬), বলৱন্ত (৩৯) আৰু দিল্লীৰ বাসিন্দা নীতিন (২৪) বুলি চিনাক্ত কৰা হৈছে।

আৰক্ষীৰ মতে, এই দলটোৱে সমগ্ৰ দেশতে ১৯৭৭ জন লোকক প্ৰতাৰণা কৰিছে। এজন জ্যেষ্ঠ আৰক্ষী বিষয়াই জানিবলৈ দিয়া মতে, জয় গোৱেল নামৰ এজন লোকে অবিযোগ কৰিছিল যে কিছুমান লোকে  অবৈধভাৱে মোবাইল ডাটা লাভ কৰি কেছ এডভান্স নামৰ লোণ এপ্লিকেচনৰ জৰিয়তে তাৎক্ষণিকভাৱে ঋণ দিয়াৰ নামত নাগৰিকৰ পৰা ব্লেকমেইলিং আৰু ধন দাবী কৰিছিল।

আৰক্ষীৰ উপ-আয়ুক্ত প্ৰশান্ত গৌতমে জনায় যে তদন্তৰ সময়ত আৰক্ষীয়ে অভিযুক্তসকলক বিভিন্ন স্থানত থকাটো চিহ্নিত কৰে আৰু তালাচী অভিযান চলাই গ্ৰেপ্তাৰ কৰে। ডিচিপি গৰাকীয়ে জনোৱা মতে, এই চক্ৰটোৱে এপ্লিকেচনৰ জৰিয়তে ব্যৱহাৰকাৰীক অতি কম সুতৰ হাৰত হ্ৰস্বম্যাদী ঋণ আগবঢ়াইছিল আৰু তাৰ পিছত ইয়াৰ ইনষ্টলেচনৰ সময়ত তেওঁলোকৰ ডাটাৰ এচেছ লাভ কৰিছিল।

কিন্তু ডিজিটেল মোডৰ জৰিয়তে ধন দিয়াৰ পিছত তেওঁলোকে অত্যধিকভাৱে সুতৰ হাৰ বৃদ্ধি কৰিছিল আৰু ঋণ পৰিশোধ কৰাৰ পিছতো তেওঁলোকে মৰ্ফ কৰা ছবি ব্যৱহাৰ কৰি ধমকি দি ঋণ লোৱা বা তেওঁলোকৰ আত্মীয়ৰ পৰা অধিক ধন দাবী কৰিছিল বুলি আৰক্ষীয়ে জনায়।

গোকুল, মুস্তাজাব, অনিছভাই, অশোক আৰু বলৱন্তই কোম্পানীকেইটা পঞ্জীয়ন কৰি বেংক একাউণ্ট খুলিছিল। এই একাউণ্টসমূহত প্ৰায় ৩৫০ কোটি টকাৰ ধন প্ৰচলন হৈছিল যাৰ ভিতৰত কমিচন কৰ্তন কৰি ৮৩ কোটি টকা পুনৰ বিভিন্ন ব্যক্তিক ক্ষুদ্ৰ ঋণ হিচাপে প্ৰদান কৰা হয় বুলি আৰক্ষীয়ে জানিবলৈ দিয়ে।

ইয়াৰ পূৰ্বে চীনৰ এটা লোণ এপ্লিকেচন কোম্পানীত টিম লিডাৰ হিচাপে কাম কৰা নীতিনে ঋণৰ আবেদন আৰু আদায় প্ৰক্ৰিয়াৰ কাম-কাজৰ বিষয়ে ভালদৰেই জানিছিল বুলি তেওঁলোকে কয়। আৰক্ষীয়ে লগতে জনোৱা মতে, ৭টা মোবাইল ফোন, এটা লেপটপ, ১৫খন ডেবিট কাৰ্ডৰ লগতে প্ৰৱঞ্চিত ধনৰ মুঠ ৬০ লাখ টকা বিভিন্ন বেংক একাউণ্টত ফ্ৰীজ কৰি ৰখা হৈছে।











FOLLOW US F
POPULAR
FEATURE
TRENDY
ৰিজার্ভ বেংকে বান্ধি দিয়া ‘সহনশীলতাৰ সীমা’ অতিক্ৰম; খুচুৰা মুদ্রাস্ফীতি ৬.০৯%লৈ বৃদ্ধি
৪ দশকত ৭টা বৃহৎ পথ দুর্ঘটনা সংঘটিত হৈছে অসমত; জানো আহক সবিশেষ
মথুৰাত চলন্ত বাছত ভয়ংকৰ জুই! চালক জিতেন্দ্ৰৰ বুদ্ধিমত্তাত ৰক্ষা পৰিল ৪০ যাত্ৰীৰ প্ৰাণ
বিলাসীপাৰাত ধনৰ লোভত নাবালিকা কন্যাক বিয়া দিবলৈ চেষ্টা কৰাৰ অভিযোগ; নিজ পিতৃৰ বিৰুদ্ধে এজাহাৰ কন্যাৰ
কাজিৰঙাৰ ৰঙাজানত ভয়ংকৰ পথ দুৰ্ঘটনা; তীব্ৰবেগী ট্ৰেভেলাৰ আৰু ট্ৰেইলাৰৰ মুখামুখি সংঘৰ্ষত ২৩ জনৰ মৃত্যু
চিকিৎসকৰ চমৎকাৰ! জন্মৰ এমাহৰ পাছতে অস্ত্ৰোপচাৰৰ জৰিয়তে পিঠিৰ পৰা সংযুক্ত হৈ থকা যমজ ভাতৃক কৰিলে পৃথক
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী