ডিজিটেল ডেস্কঃ আপুনি কোনো হোটেল বা ৰেষ্টুৰেণ্টৰ পৰা ধৰক খাদ্য অৰ্ডাৰ কৰিছে আৰু সেই খাদ্য গ্ৰহণ কৰিবলৈ লৈ দেখে যে খাদ্যৰ পৰা ওলাইছে সাপৰ ছাল। কেনে লাগিব বাৰু আপোনাৰ।? নিশ্চয় গাটো জিকাৰ খাই উঠিব। নহয় জানো ?
এনে এক ঘটনাই সংঘটিত হৈছে কেৰালাৰ তিৰুৱন্তপুৰমত। এগৰাকী মহিলা আৰু তেওঁৰ কন্যাই তেওঁলোকৰ ফুড ডেলিভাৰীৰ পাৰ্চেলত সাপৰ ছাল পাইছিল। ইয়াৰ পাছতেই মহিলাগৰাকীয়ে আৰক্ষী আৰু শীৰ্ষ বিষয়াসকলক এই বিষয়ে অৱগত কৰি অভিযোগ দাখিল কৰে।
তিৰুৱন্তপুৰমৰ বাসিন্দা প্ৰিয়াই যোৱা বৃহস্পতিবাৰে চহৰখনৰ নেদুমঙ্গদ অঞ্চলৰ এখন ৰেষ্টুৰেণ্টৰ পৰা দুটা পৰঠাৰ অৰ্ডাৰ দিছিল। ফুড ডেলিভাৰী বয়ে খাদ্য দি যোৱাৰ পাছত তেওঁ প্ৰথমে তেওঁৰ কন্যাক খাদ্য পৰিৱেশন কৰিছিল। কন্যাই তেওঁৰ সকলো খাদ্য খাই শেষ কৰিছিল কিন্তু যেতিয়া প্ৰিয়াই খাবলৈ আৰম্ভ কৰিলে তেওঁ ৰেপিং পেপাৰত প্ৰায় আধা আঙুলি দীঘল সাপৰ ছালৰ টুকুৰা দেখিলে। যিটো দেখি দুয়ো খুব ভয় খায়।
প্ৰিয়াৰ অভিযোগৰ ওপৰত ভিত্তি কৰি স্থানীয় পৌৰ কৰ্তৃপক্ষই ৰেষ্টুৰেণ্টখন পৰিদৰ্শন কৰিছিল আৰু দেখিছিল যে অতি বেয়া আৰু লেতেৰা অৱস্থাত হোটেলখনত কাম কৰা হয়। এনে পৰিস্থিতিত,কৰ্তৃপক্ষই হোটেলখন তৎক্ষণাৎ বন্ধ কৰি দিছিল।
Continue Reading
