ডিজিটেল ডেস্ক: আপুনি মাস্ক পৰিধান কৰা পৰিহাৰ কৰিলে নেকি? চেনিটাইজৰৰ ব্যৱহাৰ বাদ দিলে নেকি? যদি বাদ দিলে তেন্তে এতিয়াৰ পৰা সাৱধান হওক। কিয়নো পুনৰ ভয়ংকৰভাৱে বাঢ়িছে ক’ভিডৰ গণসংক্ৰমণ। এদিনতে আক্ৰান্ত হৈছে ১৬৫২ জন লোকৰ। বিগত ২৪ ঘণ্টাত ক’ভিডত আক্ৰান্ত হৈ মৃত্যু হৈছে ৮জনকৈ লোকৰ।
এই পৰিসংখ্যা হৈছে দেশৰ ৰাজধানী চহৰ নতুন দিল্লীৰ। দিল্লীত ক’ভিডে পুনৰবাৰ ধাৰণ কৰিছে জটিল ৰূপ। এতিয়াও হাস্পতালতেই আছে ৬৮০৯ জন ক’ভিড আক্ৰান্ত ৰোগী। ৰাজধানী চহৰখনত ক’ভিডৰ পজিটিভিটিৰ হাৰ হৈছে ৯.৯২ শতাংশ। আনহাতে বিগত ১৫ দিনত ICUত আছে ২০২জন ক’ৰোনা ৰোগী। এইসমূহ পৰিসংখ্যালৈ চাই এতিয়া সজাগ হৈছে দিল্লী চৰকাৰ। অচিৰেই দিল্লীত ক’ভিডৰ গণসংক্ৰমণ ৰোধ কৰিবৰ বাবে ব্যৱস্থা গ্ৰহণ কৰিব অৰবিন্দ কেজৰিৱাল চৰকাৰে।
আনহাতে অসমতো বৃদ্ধি পাইছে ক’ভিডত আক্ৰান্তৰ সংখ্যা। বিগত ২৪ ঘণ্টাত ৰাজ্যত ক’ভিডত আক্ৰান্ত হৈছে ১৭৪ জন লোক। কামৰূপ মহানগৰ জিলাত সৰ্বাধিক আক্ৰান্ত হৈছে ২৬ জন কৈ লোকৰ। ইফালে ৰাজ্যত এতিয়া পজিটিভিটিৰ হাৰ ৩.৬২ শতাংশ। বুধবাৰৰ দিনটোত এজনো ক’ভিডত আক্ৰান্ত লোকৰ মৃত্যু হোৱা নাই যদিও সকলোকে ক’ভিড বিধি মানি চলিবলৈ অনুৰোধ জনাইছে স্বাস্থ্য বিভাগে।
Continue Reading
