সমুদ্ৰ তীৰত উদ্ধাৰ হৈছে এক বিশাল ধাতুৰ বল সদৃশ সামগ্ৰী৷ কিন্তু এই বস্তুবিধনো কি তাকেলৈ ৰসহ্যৰ সৃষ্টি হৈছে৷ বহুতে কৈছে এয়া গডজিলাৰ কণী, বহুতৰ মতে আকৌ চোৰাংচোৱা বেলুন৷ বহুতে এখোব আগলৈ গৈ এয়া এলিয়েনে পৃথিৱীলৈ পঠিওৱা কিবা বস্তু বুলিও কোৱা দেখা গৈছে৷

Listen to Article

2 min read

80%

ডিজিটেল ডেস্কঃ সমুদ্ৰ তীৰত উদ্ধাৰ হৈছে এক বিশাল ধাতুৰ বল সদৃশ সামগ্ৰী৷ কিন্তু এই বস্তুবিধনো কি তাকেলৈ ৰসহ্যৰ সৃষ্টি হৈছে৷ বহুতে কৈছে এয়া গডজিলাৰ কণী, বহুতৰ মতে আকৌ চোৰাংচোৱা বেলুন৷ বহুতে এখোব আগলৈ গৈ এয়া এলিয়েনে পৃথিৱীলৈ পঠিওৱা কিবা বস্তু বুলিও কোৱা দেখা গৈছে৷

জাপানৰ সমুদ্ৰতীৰত উদ্ধাৰ হৈছে এই অদ্ভুত বস্তুবিধ৷ হামামাৎসুৰ স্থানীয় লোকসকলৰ মাজত এই বলৰ আকাৰৰ হালীয়া গোলকে আতংকৰ সৃষ্টি কৰিছে৷ বলটো জাপানৰ এনচু বীচৰ এজন স্থানীয় লোকে প্ৰথমে দেখা পাইছিল৷ তেওঁ লগে লগে কৰ্তৃপক্ষৰ সৈতে যোগাযোগ কৰিছিল। অদ্ভূত বলটোৰ বিষয়ে জানিবলৈ বোমা বিশেষজ্ঞৰ দল সাগৰৰ পাৰলৈ পঠিওৱা হৈছে৷

সুৰক্ষাৰ স্বাৰ্থতে অঞ্চলটো খালি কৰা হৈছে। অৱশ্যে, এক্স-ৰে পৰীক্ষা কৰাৰ পিছত আৰক্ষীয়ে নিশ্চিত কৰিছে যে এইটো বিস্ফোৰক নহয়। সামুদ্ৰিক বিশেষজ্ঞসকলেও বলটোকলৈ গৱেষণা আৰম্ভ কৰিছে৷ উল্লেখ্য কিছুদিন পূৰ্বে আমেৰিকাই চীনৰ গুপ্তচৰ বেলুন গুলীয়াই ধ্বংস কৰিছিল৷ ইয়াৰ মাজতে জাপানত উদ্ধাৰ হোৱা অদ্ভুত বলটোৱে মানুহৰ কৌতূহল বৃদ্ধি কৰিছে৷