ডিজিটেল ডেস্কঃ দিল্লীৰ পাছত চুৰাটতো চৰ্চালৈ আহিছে এক হৃদয় বিদাৰক ঘটনা৷ চুৰাটত এজন পিতৃয়ে নিজৰ কন্যাক ২৫ বাৰ ছুৰীৰে আঘাত কৰি হত্যা কৰিছে।ইতিমধ্যে চুৰাটৰ কদোদৰা অঞ্চলৰ পৰা ঘৰুৱা হিংসা আৰু কন্যাক হত্যাৰ অভিযোগত গ্ৰেপ্তাৰ কৰা হৈছে এজন লোকক।
চুৰাটৰ কদোদৰা অঞ্চলৰ এই ঘটনা ১৮ মে'ৰ। যাৰ ভিডিঅ’ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে। লগতে বিষয়টোৰ তদন্ত চলি আছে। আৰক্ষীৰ পৰা পোৱা তথ্য অনুসৰি হত্যাকাণ্ডৰ দুদিন পাছতে পত্নী ৰেখাৰ অভিযোগৰ ভিত্তিত অভিযুক্তক গ্ৰেপ্তাৰ কৰা হয়। আৰক্ষীয়ে জনোৱা মতে, আক্ৰমণকাৰীৰ নাম ৰামানুজ৷
ৰামানুজে চুৰাটৰ সত্য নগৰ ছ’চাইটিৰ এটা ভাড়াঘৰত পৰিয়ালৰ সৈতে বাস কৰিছিল। তদন্তকাৰী বিষয়াসকলে জনোৱা মতে, তেওঁলোকৰ কন্যাই টেৰেচত শুই থকাৰ বিষয়টোক লৈ অভিযুক্ত আৰু তেওঁৰ পত্নীৰ মাজত তৰ্ক হৈছে। বিতৰ্ক ইমানেই বাঢ়িল যে অভিযুক্তই খং হেৰুৱাই আৰু পৰিস্থিতি আৰু বেয়া হৈ পৰে৷ যাৰ বাবে হিংসা সংঘটিত হৈছিল।এই সমগ্ৰ ঘটনাটো চিচিটিভি কেমেৰাত বন্দী হৈছে।
Continue Reading
