সাংসদ হৈয়েই পিন্ধিব লাগিছিল ফুলৰ মালা, কিন্তু পালে কাণতলীয়া চৰ! কংগনা ৰাণাৱটক চৰ শোধৱা কুলৱিন্দৰ কৌৰ কোন? জানো আহক

৩৫ বছৰীয়া এতিয়া নিলম্বিত কনিষ্টবলগৰাকীয়ে ২০০৯ চনত চিআইএছএফত যোগদান কৰিছিল আৰু ২০২১ চনৰ পৰা চণ্ডীগড় বিমানবন্দৰত বাহিনীটোৰ বিমানবন্দৰ নিৰাপত্তা গোটৰ সৈতে জড়িত হৈ আছে । তেওঁৰ বিৰুদ্ধে পূৰ্বে কোনো অপৰাধমূলক ঘটনা সংঘটিত কৰাৰ নজিৰ নাছিল। তেওঁৰ স্বামীয়েও একেটা বিমানবন্দৰতে কাম কৰে। কৃষকৰ প্ৰতিবাদৰ ক্ষেত্ৰত ৰানাৱটৰ স্থিতিৰ বাবে কৌৰ উত্তেজিত হোৱা বুলি  বিষয়াসকলে জনাইছে। এসময়ত কংগনাই কৈছিল যে দিল্লীত কৃষকসকলে প্ৰতিবাদ কৰিছিল, কাৰণ তেওঁলোকক ১০০ বা ২০০ টকা দিয়া হৈছিল। কংগনাই আনকি প্ৰতিবাদী কৃষকসকল খালিস্তানী বুলিও কৈছিল।  বিমানবন্দৰত নিৰাপত্তা প্ৰদানৰ দায়িত্বত  থকা কৌৰ হয়তো কংগনাৰ বিৰুদ্ধে ক্ষোভত উতলি আছিল। ইতিমধ্যে চৰ শোধৱা  কাণ্ডৰ তদন্তৰ  নিৰ্দেশ দিয়া হৈছে আৰু কুলৱিন্দাৰৰ বিৰুদ্ধে এফআইআৰ দাখিল কৰা হৈছে। এই কাণ্ডক গুৰুতৰ বিষয় বুলি অভিহিত কৰি ৰাষ্ট্ৰীয় মহিলা আয়োগৰ অধ্যক্ষ ৰেখা শৰ্মাই কৌৰৰ বিৰুদ্ধে ব্যৱস্থা গ্ৰহণৰ আহ্বান জনাই  চিআইএছএফৰ সৈতে কথা পাি আছে। বিমানবন্দৰৰ নিৰাপত্তাৰ দায়িত্বত থকাসকলে নিজেই নিৰাপত্তা ভংগ কৰিছে বুলি এক্সত   এটা পোষ্টত বিৰোধী দলৰ নেতা তথা হিমাচল প্ৰদেশৰ প্ৰাক্তন মুখ্যমন্ত্ৰী জয়ৰাম ঠাকুৰে এই কাণ্ডক অতি দুৰ্ভাগ্যজনক বুলি অভিহিত কৰি গৰিহণা দিছে।

 নিৰ্বাচনত ৰানাৱটৰ হাতত পৰাস্ত হোৱা জনশিক্ষা দপ্তৰৰ মন্ত্ৰী বিক্ৰমাদিত্য সিঙেও কয় যে বিমানবন্দৰত নিৰাপত্তাৰক্ষীয়ে নিৰ্বাচিত প্ৰতিনিধিৰ সৈতে কৰা এনে আচৰণ অতি দুৰ্ভাগ্যজনক । তেওঁ কৌৰৰ বিৰুদ্ধে  ব্যৱস্থা গ্ৰহণৰ আহ্বান জনাইছে। ঘটনাটোৰ পিছতে কংগনাই কয় “তেওঁ মোৰ মুখত আঘাত কৰি মোক গালি-গালাজ কৰিবলৈ ধৰিছিল। মই তেওঁক  কিয় এনে কৰিলে বুলি সুধিছিলোঁ আৰু তেওঁ কৃষকৰ প্ৰতিবাদক সমৰ্থন কৰে বুলি কৈছিল। মই নিৰাপদ, কিন্তু মোৰ চিন্তা হৈছে যে পঞ্জাৱত সন্ত্ৰাসবাদ বৃদ্ধি পাইছে... আমি সেয়া কেনেকৈ চম্ভালিম?” । উল্লেখ্য  কৃষি আইনৰ আইনৰ বিৰুদ্ধে কৃষকৰ  আন্দোলনৰ সময়ত ৰাণাৱটে ট পঞ্জাৱৰ এগৰাকী মহিলা কৃষকক ভুলকৈ চিনাক্ত কৰি তেওঁক বিলকিছ বানো বুলি কৈছিল। , দুগৰাকী বৃদ্ধাৰ ছবিৰে পোষ্ট ৰিটুইট কৰি কংগনাই লিখিছিল যে টাইম মেগাজিনত প্ৰকাশ পোৱা “একেজন দাদী” এতিয়া “১০০ টকাত উপলব্ধ”।