ডিজিটেল ডেস্কঃ আজি অশান্ত জৰ্জৰ মণিপুৰ ভ্ৰমণ কৰে কেন্দ্ৰীয় গৃহমন্ত্ৰী অমিত শ্বাহে৷ মঙলবাৰে কেন্দ্ৰীয় গৃহমন্ত্ৰী অমিত শ্বাহে মণিপুৰৰ শান্তি আৰু সমৃদ্ধি চৰকাৰৰ সৰ্বোচ্চ অগ্ৰাধিকাৰ বুলি উল্লেখ কৰিছে৷শ্বাহে ৰাজ্যৰ শান্তি বিঘ্নিত কৰা যিকোনো কাৰ্যকলাপৰ সৈতে কঠোৰভাৱে মোকাবিলা কৰিবলৈ নিৰাপত্তা বিষয়াসকলক নিৰ্দেশ দিয়ে।
মণিপুৰ আৰক্ষী, কেন্দ্ৰীয় সশস্ত্ৰ আৰক্ষী বাহিনী (চিএপিএফ) আৰু ভাৰতীয় সেনাৰ জ্যেষ্ঠ বিষয়াৰ সৈতে এক পৰ্যালোচনা বৈঠকৰ অন্তত শ্বাহে এই মন্তব্য কৰে। এই বৈঠকত পেট্ৰ’ল, এল পি জি গেছ, চাউল আৰু অন্যান্য খাদ্য সামগ্ৰীৰ দৰে অত্যাৱশ্যকীয় সামগ্ৰীসমূহ যাতে মূল্য শীতল কৰিবলৈ বৃহৎ পৰিমাণে উপলব্ধ কৰা হ’ব, তাৰ বাবেও সিদ্ধান্ত গ্ৰহণ কৰা হয়।
ইম্ফলত মণিপুৰ আৰক্ষী, চি এ পি এফ আৰু ভাৰতীয় সেনাৰ উচ্চপদস্থ বিষয়াৰ সৈতে হোৱা বৈঠকত মণিপুৰৰ নিৰাপত্তা পৰিস্থিতিৰ পৰ্যালোচনা কৰে। মণিপুৰৰ শান্তি আৰু সমৃদ্ধি আমাৰ সৰ্বোচ্চ অগ্ৰাধিকাৰ, শান্তি বিঘ্নিত কৰা যিকোনো কাৰ্যকলাপৰ সৈতে কঠোৰভাৱে মোকাবিলা কৰিবলৈ তেওঁলোকক নিৰ্দেশ দিয়া হৈছে৷
মঙলবাৰে অমিত শ্বাহে চলিত মাহৰ আৰম্ভণিতে মণিপুৰত সংঘটিত হোৱা শেহতীয়া জাতিগত সংঘাতৰ কিছু ভয়াৱহ সংঘাতৰ স্থান চুৰাচান্দপুৰত উপস্থিত হৈ কুকি নাগৰিক সমাজৰ নেতাসকলৰ সৈতে আলোচনাত মিলিত হয়।
আই বিৰ মুৰব্বী আৰু গৃহ সচিবৰ সৈতে হেলিকপ্টাৰেৰে শ্বাহে গীৰ্জাৰ নেতাসকলৰ লগতে কুকি সম্প্ৰদায়ৰ বুদ্ধিজীৱীসকলক সাক্ষাৎ কৰি তেওঁলোকৰ অভিযোগৰ বুজ লয় আৰু মাজত ধাৰাবাহিকভাৱে সংঘৰ্ষৰ সাক্ষী হোৱা উত্তৰ-পূবৰ ৰাজ্যখনত শান্তি অনাৰ উপায়ৰ সন্ধান কৰে৷
Continue Reading
