ডিজিটেল ডেস্কঃ পৃথিৱীৰ কোনো দেশত যদি শান্তি বিৰাজমান, কোনো দেশত আকৌ অশান্তিৰ কলীয়া ছাঁ। এনে বিচাৰৰ আলম লৈয়ে দেশৰ জনসাধাৰণে প্ৰতিক্ৰিয়া প্ৰকাশ কৰে। শান্তি বা অশান্তিৰ আভাস অধিক নিৰ্ভৰ কৰে জনসাধাৰণৰ আচৰণ আৰু সংশ্লিষ্ট দেশৰ ৰাজনৈতিক পৰিস্থিতিৰ ওপৰত। সেই হিচাপে বিশ্ব শান্তিৰ তালিকাত আইচলেণ্ড শীৰ্ষত আছে, তাৰ পিছতে আছে আফগানিস্তান।
ভাৰতৰ পৰিস্থিতি একেবাৰেই বৰ আশাব্যঞ্জক নহয়। গ্ল’বেল পিচ ইনডেক্স ২০২২ অনুসৰি ভাৰতে নিজৰ স্থিতি উন্নত কৰিছে ঠিকেই, কিন্তু সেয়া যে এক আশাপ্ৰদ সঁহাৰি কোনোপধ্য নহয় বুলি প্ৰকাশ পাইছে। পূৰ্বে ১৩৮ সংখ্যক স্থানত আছিল ভাৰতবৰ্ষ, শেহতীয়া ইনডেক্সত ভাৰত ১৩৫ সংখ্যক স্থানলৈ উন্নীত হৈছে। কিন্তু বিশ্ব শান্তিৰ সামগ্ৰিক ছবিখনৰ ক্ষেত্ৰত এয়া এক হতাশাজনক ছবি।
আইচলেণ্ডৰ পিছতে আছে নিউজিলেণ্ড, আয়াৰলেণ্ড, ডেনমাৰ্ক, অষ্ট্ৰিয়া আৰু পৰ্তুগাল আৰু একেবাৰে শেষত আছে আফগানিস্তান। ১৮৩ সংখ্যক স্থানত ঐছে দেশখন । ইয়াৰ পিছত ক্ৰমে য়েমেন, ছিৰিয়া, ৰাছিয়া, দক্ষিণ ছুডান।
যুদ্ধকেন্দ্ৰিক পৰিস্থিতিৰ বাবে ২০২১ চনৰ পিছত বিশ্বৰ বিত্তীয় ব্যৱস্থাই ১২৮৭ লাখ কোটি টকা হেৰুৱাইছে। ৰাছিয়া-ইউক্ৰেইন যুদ্ধৰ বাবে অশান্তিৰ তালিকাত আছে ৰাছিয়া। ইউক্ৰেইনতো বিঘ্নিত হৈছে শান্তিৰ পৰিৱেশ। চৰম অস্থিৰতাত ভুগিছে দেশখনে।
Continue Reading
