ডিজিটেল ডেস্কঃ ভাৰতৰ শ্ৰেষ্ঠ অ’পেনাৰৰ তালিকাত সৰ্বোচ্চ স্থানত থাকিব সুনীল গাওস্কাৰ। বহুতৰ মতে তেওঁ ভাৰতৰ শ্ৰেষ্ঠ অ’পেনাৰ। টেষ্ট ক্ৰিকেটৰ প্ৰথম বেটছমেন হিচাপে ১০ হাজাৰ ৰান সংগ্ৰহ কৰা গাওস্কাৰৰ পিছত কোন শ্ৰেষ্ঠ অ’পেনাৰ? এই প্ৰশ্নৰ উত্তৰত শচীন তেণ্ডুলকাৰৰ নাম স্বাভাৱিকতে আহিছে। কিন্তু ভাৰতৰ প্রাক্তন অধিনায়কগৰাকীৰ মতে বীৰেন্দৰ ছেহৱাগ হৈছে গাওস্কাৰৰ পাছতে শ্ৰেষ্ঠ অ’পেনাৰ৷
সৌৰভে ছেহৱাগক মিডল অৰ্ডাৰৰ পৰা উলিয়াই আনি অধিনায়কত্বৰ সময়ছোৱাত অ’পেনাৰ হিচাপে খেলাইছিল। সেইটোৱে ছেহৱাগৰ কেৰিয়াৰ সলনি কৰি পেলালে। সৌৰভে কয়- ‘‘ছেহৱাগৰ বাবে টেষ্ট ক্ৰিকেট সলনি হ’ল। মহান শক্তি আছিল। যি বেগেৰে ৰাণ কৰিছিল সেয়া আছিল আচৰিত ধৰণৰ। সুনীল গাওস্কাৰৰ পিছত চেহৱাগ শ্ৰেষ্ঠ অ’পেনাৰ।’
সৌৰভে কয় যে ছেহৱাগে প্ৰথম অৱস্থাত অ’পেনাৰ হিচাপে খেলিব বিচৰা নাছিল। ভাৰতীয় প্ৰাক্তন অধিনায়কগৰাকীয়ে কয়, ‘মই ছেহৱাগক অপেনিং কৰিবলৈ কৈছিলো। তেওঁ মান্তি নহৈছিল। সেহৱাগে আগতে কেতিয়াও অপেনিং কৰা নাছিল। মোৰ বিশ্বাস যে কোনেও কোনো এটা বিশেষ ঠাইত বেটিং কৰিবলৈ জন্ম নহয়। ২০০২ চনত লৰ্ডছত ছেহৱাগে দ্ৰুতগতিত ৮০ ৰান সংগ্ৰহ কৰিছিল। তাৰ পৰাই তেওঁৰ অ’পেনাৰ হিচাপে আত্মবিশ্বাস বাঢ়ি আহিল।"
Continue Reading
