সদায় দৈ খোৱাটো স্বাস্থ্যৰ বাবে ক্ষতিকাৰক! ক’লে চেন্নাইৰ চিকিৎসকে, বিভিন্ন জনে ব্যক্ত কৰিলে প্ৰতিক্ৰিয়া

চিকিৎসকগৰাকীৰ মন্তব্যক ছ'চিয়েল মিডিয়াত বহুতে সমালোচনা কৰাও দেখা গৈছে। বহুতে চিকিৎসকগৰাকীৰ পোষ্টটোত নেতিবাচক প্ৰতিক্ৰিয়া প্ৰকাশ কৰিছে।"দৈনিক দৈ নাখাব," চিকিৎসকগৰাকীয়ে  তেওঁৰ  পোষ্টত তেনেদৰেই স্পষ্টভাবে উল্লেখ কৰিছে। চিকিৎসকগৰাকীয়ে  "দৈ" সম্পৰ্কে দিয়া  পোষ্টত প্ৰতিক্ৰিয়া ব্যক্ত কৰি বাংগালুৰুৰ এগৰাকী চিকিৎসক  ডাঃ দীপক কৃষ্ণমূৰ্তি,কয়, "বেছিভাগ দক্ষিণ ভাৰতীয় লোকেই  শতিকা ধৰি প্ৰতিদিনে  দৈ খাই আহিছে। হঠাতে দৈৰ বিষয়ে এনে বিভ্ৰান্তিকৰ পোষ্ট সেয়ে সমৰ্থন কৰিব নোৱাৰি।"

আন এগৰাকী ব্যক্তিয়ে এক্সত পোষ্ট কৰিছে "সেয়া মিছা কথা নহয়। মোৰ প্ৰতি বছৰে প্ৰায় ৬ মাহ কাহ হয়। মোৰ হোমিঅ'পেথি চিকিৎসকে মোক ৰাতি দৈ খোৱা বন্ধ কৰিবলৈ কৈছিল। তাৰ পিছত মোৰ কাহ নাইকিয়া হ'ল।"

 বিতৰ্কৰ প্ৰতি প্ৰতিক্ৰিয়া ব্যক্ত কৰি এজন ব্যৱহাৰকাৰীয়ে কৈছে, "যেতিয়া এজন চিকিৎসকে এয়া কয় যে দৈ বেয়া, এয়া  বেয়া কথা। দৈ খাব পাৰি।  মানুহে প্ৰ'বায়োটিক পৰিপূৰকৰ হিচাবে দৈ খাব লাগে। কাৰণ দৈ এবিধ ভাল  প্ৰ'বায়োটিক। কেৱল ইয়াক চেনি বা নিমখৰ  সৈতে মিহলি কৰিব নালাগে।নহ’লে দৈয়ে ইয়াৰ গুণ হেৰুৱাই পেলায়" । আন এটা মন্তব্যত কোৱা হৈছে, "হয়, মই দিনে তিনিবাৰ কৈ দৈ খাও । মই এতিয়ালৈকে ৪৬ বছৰ কোনো অসুবিধা নোহোৱাকৈ  জীয়াই আছোঁ। কেতিয়াও মোক কোনো  চিকিৎসকে দৈ নাখাবলৈ কোৱা নাই।"  চেন্নাইৰ চিকিৎসকগৰাকীয়ে কি কাৰণত প্ৰতিদিনে দৈ খোৱা বেয়া সেয়া স্পষ্টকৈ উল্লেখ কৰা নাই। দৈত থকা উপকাৰী বেক্টেৰিয়াই আমাৰ পেটৰ বহু সমস্যা দূৰ কৰিব পাৰে বুলি ইমান দিনে স্বাস্থ্য বিজ্ঞানীসকলে কৈ আহিছে। তেনে ক্ষেত্ৰত চেন্নাইৰ চিকিৎসকগৰাকীয়ে কিয় তেনেদৰে ক’লে সেয়া বহুতৰে বাবে সাঁথৰ হৈ পৰিছে।